De Olano lamenta a “incompetencia do Executivo estatal” e sinala que “con Sánchez os españois pagamos máis impostos que nunca, pero temos peores servizos ca nunca e unhas condicións laborais máis precarias”
Lugo, 11 de agosto de 2025. O PP lucense leva ao Congreso a situación de Correos “ao borde do colapso” durante o verán pola falta de contratación de persoal para cubrir as ausencias por vacacións.
O Partido Popular condena a “política de contratación cero” por parte da empresa pública que deriva nunha “carga de traballo inasumible” – tal e como confirman os sindicatos- e, ademais, supón “o deterioro da prestación do servizo”.
Os populares explican que “se rexistran atrasos de máis dunha semana na entrega de correspondencia porque, moitas veces, a carga de traballo cun carteiro supera á carga que tiñan antes do verán dous carteiros”. E, “a situación é especialmente grave en comarcas como A Mariña que no verán case triplica a súa poboación habitual”, segundo indican.
Así, os deputados por Lugo -Jaime De Olano, Francisco Conde e Cristina Abades- e o deputado ourensán Celso Delgado diríxenlle formalmente preguntas ao Goberno de Sánchez para obter resposta por escrito sobre “as medidas que pensa adoptar Correos para dar solución a esta situación e, especialmente, para saber se vai proceder á contratación de persoal para cubrir as baixas por vacacións de verán para reforzar o traballo dos carteiros que se vén absolutamente desbordados”.
Os populares lamentan que “a incompetencia do Goberno de Pedro Sánchez a teñamos que pagar tódolos cidadáns, neste caso, coa empresa pública de servizo postal. A ausencia de contratación deixa centros colapsados, provocando atrasos xeneralizados e unha imaxe pública de Correos moi deteriorada nos medios de comunicación”.
“Con Pedro Sánchez os españois pagamos máis impostos que nunca, pero temos peores servizos ca nunca e unhas condicións laborais máis precarias”, conclúe De Olano.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
