Ambos equipos comezaron hoxe cos tests físicos que tiveron lugar esta mañá no pavillón Vista Alegre, tras a presentación do equipo feminino
Burela, 11 de agosto, 2025. Comeza a pretempada no CD Burela FS, esta mañá coa presentación do equipo feminino ás 10.00h no pavillón Vista Alegre. Posteriormente realizáronse os tests físicos das xogadoras, na pista do mesmo pavillón, da man do novo preparador físico Nacho Fernández, do centro de adestramento de Burela, Henko (que formará parte este ano do CT do equipo feminino) e, finalmente, levaron a cabo diversos exercicios técnico-tácticos coa nova adestradora Belén Feal e segundo adestrador, Jairo Campo. Recentemente chegada, a media mañá, a xogadora brasileira, Gabi Lucchesi, non puido participar deste primeiro contacto, pero mañá incorporarase aos adestramentos coas súas compañeiras. As xuvenís Mara e Mariña participaron na xornada de hoxe e farán toda a pretemporada co primeiro equipo.
Doutra banda o equipo masculino tamén aproveitou esta mañá para realizar os tests físicos, da man do fisioterapeuta do equipo, Tulio García, coa axuda e seguimento (puntual) de Hugo García, do centro focense, Quenlla Crossfit, no ximnasio do pavillón Vista Alegre, cos xogadores que xa están no pobo, chegando hoxe, tamén a media mañá, o gardameta arxentino Gonzalo Starna que tamén se achegou ao pavillón a saudar aos seus novos compañeiros. Participaron, e participarán en toda a pretemporada, os xuvenís Walter e Pedro. Mañá será a presentación do equipo, ás 17.00h no Salón de Conferencias de Burela.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
