Nota de prensa:
ANTONIO VEIGA PARTICIPOU NA ENTREGA DO XI PREMIO DE POESÍA DÍAZ JÁCOME
Xacobo Casal, de Cervo, levouse o primeiro premio desta XI edición do Díaz Jácome pola obra “As primeiras follas do caderno de soidade”
Antonio Veiga destacou que certames coma este “teñen unha importancia especial no noso país xa que axudan a estimular a creación literaria, nomeadamente poética, entre a xente nova, mantendo viva a nosa cultura”
MONDOÑEDO, 27 de novembro de 2010. O delegado de Cultura e Deportes da Deputación de Lugo, o nacionalista Antonio Veiga, asistiu esta mañá xunto ao alcalde de Mondoñedo, o tamén nacionalista Orlando González, a filla de Díaz Jácome, o expresidente da Real Academia Galega, Xosé Ramón Barreiro, e o profesor da USC e estudoso da literatura e, Armando Requeixo e os membros do xurado á entrega do XI Premio de Poesía Díaz Jácome, convocado polo Concello de Mondoñedo coa colaboración da Área de Cultura da Deputación de Lugo.
Este ano, o máximo galardón recaeu no cervense Xacobo Casal, de 30 anos, polo seu poemario “As primeiras follas do caderno de soidade”. O premio, que se fallou a comezos do outono, está dotado con 1.500 euros máis unha placa e diploma acreditativo. O segundo premio, dotado con 600 euros máis placa e diploma acreditativo, recaeu na obra titulada “Infinda sonata” da que é autora Lucía Barrera, de Cangas de Foz. O terceiro premio da XI edición do Premio Díaz Jácome de Poesía acadouno Noelia Martínez, de Lugo, coa obra “Vagarosamente inxénua”, polo que recibirá 300 euros maila placa e diploma.
O delegado de Cultura e Deportes da Deputación de Lugo, Antonio Veiga, entregou o segundo premio, a Lucía Barrera, de Cangas de Foz, e na súa intervención destacou que certames coma este “teñen unha importancia especial no noso país xa que axudan a estimular a creación literaria, nomeadamente poética, entre a xente nova, mantendo viva a nosa cultura”, polo que eloxiou o esforzo do Concello de Mondoñedo de continuar coa convocatoria deste premio. Veiga falou de “tempos difíciles” para a nosa lingua, polo que ver como mozos e mozas co noso idioma crean poesía, arte, “debe darnos a esperanza de que a nosa lingua, como símbolo e parte fundamental da nosa cultura, vai seguir tendo forza entre nós”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
