Trabada, 13 de agosto de 2025. Trabada vivirá os días 14, 15 e 16 de agosto tres intensas xornadas de celebración con motivo das súas festas patronais na honra á Nosa Señora e a San Roque. Música, gastronomía e tradición combinaranse nun programa pensado para todos os públicos, organizado pola comisión de festas coa colaboración do Concello de Trabada.
As festas arrancarán o xoves 14 de agosto cunha gran churrascada popular servida por Catering Sarredo ás 21:30 horas. O menú inclúe entrantes fríos, queixo, empanada, xamón, croquetas, churrasco de porco, criollo, patacas, postre, viño, auga, refresco, café e chupito. O prezo é de 30 € para adultos e 15 € para nenos/as ata 12 anos. Pola noite, a partir das 23:00 horas, a verbena estará a cargo de Aché e Cosmedeejay.
O venres 15 de agosto celebrarase a misa solemne e procesión ás 13:00 horas, seguida dunha sesión vermú co grupo Lume. Pola noite, desde as 22:00 horas, gran verbena con Lume, Acordes e DJ BRF.
O sábado 16 de agosto, último día de festas, repetirase o formato de misa solemne e procesión ás 13:00 horas, con sesión vermú a cargo de Montreal. Pola noite, gran verbena con Montreal, Discomóbil The Sound Project e DJ BRF.
O alcalde de Trabada, Rubén García, destacou que “as festas patronais son un momento clave para o reencontro veciñal, a promoción do noso municipio e a posta en valor das nosas tradicións. Desde o Concello seguimos apoiando con firmeza á comisión organizadora para que cada edición sexa un éxito e unha referencia na comarca”.
Desde o Concello e a comisión de festas anímase a veciñanza e visitantes a gozar destas xornadas que combinan fe, cultura, música e gastronomía, nun ambiente único de convivencia.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
