Dada a escaseza de aloxamento en Ribadeo, ocórreseme, por que non facer apartamentos na Casa da ría en Santa Cruz?
Que os apartamentos poidan ser para vivir na veciñanza de Ribadeo ou apartamentos turísticos… o fin, non e semellante? Se se alugan como vivendas de uso turístico ou algo parello, axudarán a descomprimir o mercado de apartemos para vivir, non? Iso é algo como o que se soe dicir para xustificar que hai que construír máis (apartamentos, aínda que rematen co apelido ‘turísticos’) e non regular ou limitar prezos, que desincentivarían a construción e o movemento de cartos (de algúns).
15 de agosto. Subo a Santa Cruz e síntome en Ribadeo. Entendámonos: Santa Cruz pertence á parroquia de Ove. Logo, legalmente, é Ribadeo. Mais como sentimento, destaco que hai visible abonda máis xente de Ribadeo que visitantes, algo do que no propio pobo ó longo do verán e cada vez máis noutros momentos, non hai moitos exemplos, a non ser nalgunha rúa afastada do centro e baleira. Pero Santa Cruz non está baleira. Hoxe bule tranquila, mesmo con música nalgunha mesa das ocupadas, sen o marmurio vocingleiro dos visitantes facéndose escoitar por riba dos máis.
A imaxe anterior non estaría completa sen incorporar a Casa da ría, en ruínas, de novo coa porta aberta como invitando á xente a subir e admirar o medre das árbores sobre as baldosas despois da xira. Árbores esas que parecen exentas de corte ou arranque a diferenza do que lles ocorre a outras conxéneres súas no pobo.
Pero sigamos. Xa que durante anos, despois de ser construída veu deixándose da man de deus; xa que non é usada como ben público, senón abandonada polas institucións públicas, por que non privatizalo, ou privatizar o seu uso? Que alguén lle saque partido, xa que o concello non llo saca!. Que importa que pasen a facerlle render cartos mans privadas? Mellor que deixalo a monte, sen mesmo que (en teoría non) se poda entrar nela? Si, podería usarse para moitas cousas (entre elas, para o que foi concibida), pero como non se usa, e non se molestan as institucións en usar un ben público, pois mellor que o aproveite alguén, e mesmo o pode conservar mellor… Non importa que despois, para usar un ben público haxa que pagar, que non se pode esperar que o coidado saia gratis! Ou que de xeito fáctico se varíe a propiedade, construída con cartos de todos, ou o entorno arredor (porque claro, para aproveitar a casa da ría habería que dotala dun pequeno terreo arredor como xardín, terraza ou chiringuito). Total, a quen molesta? Ós turistas seguro que non, e á xente do pobo, se xa está estragada, será que non lle interesa moito…
E claro, para promoción, mellor un lema. Tratándose dunha situación no monte de Santa Cruz, a un paso do miradoiro, que tal ‘Casa da ría: todo Ribadeo ós teus pés’? Soa a real ó tempo que pode ser unha metáfora…
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
