A Delegación Territorial acolleu hoxe a presentación da proba, na que se prevé a participación dunha trintena de xinetes de Galicia, Asturias e Castela e León
Lugo, 28 de agosto de 2025. A Xunta colabora coa terceira edición do Raid Hípico ‘Val de Francos’, que se desenvolverá este domingo 31 de agosto no concello de Castro de Rei.
O delegado territorial, Javier Arias, presentou hoxe os detalles do evento xunto ao tenente de alcalde de Castro de Rei, Roberto Lorenzo, e Antonio López, José López e Pedro Iravedra, en representación do Club Hípico Val de Francos, entidade organizadora da proba. Tamén asistiu ao acto Nico López, o xinete máis novo que compite nesta disciplina en Galicia.
A proba contará coa participación dunha trintena de xinetes procedentes de distintos puntos de Galicia, así como de Asturias e Castela e León.
O programa inclúe tres categorías, con percorridos de 80, 60 e 40 quilómetros que discorren principalmente por camiños e pistas forestais do municipio chairego. Os organizadores destacan que se trata dun dos mellores circuítos da comunidade, grazas ao seu trazado por un terreo chan e sen pendentes.
Ao finalizar a xornada farase entrega de trofeos e agasallos aos participantes.
O delegado territorial puxo en valor iniciativas coma esta, “que combinan natureza, deporte e promoción do territorio”. Segundo indicou, eventos coma o Raid Val de Francos “contribúen non só a fomentar a práctica do deporte ecuestre, senón tamén a dar a coñecer a riqueza paisaxística e ambiental de concellos como Castro de Rei”.
Engadiu ademais que a participación prevista nesta edición “é novamente unha mostra do crecente interese que esperta esta proba, que se está a consolidar xa como unha cita de referencia no ámbito ecuestre do noroeste peninsular”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
