Nota de prensa:
A asociación cultural A Sombriza convida ao resto do tecido asociativo da provincia de Lugo a participar nestas charlas gratuítas e de tres horas de duración para orientar e resolver as principais dúbidas e dificultades de xestión deste tipo de entidades
Aberto o prazo de inscrición nas xornadas formativas sobre xestión de asociacións
• Xurde co obxectivo de facilitar aos responsables das asociacións levar as contas, os libros de socios e actas e papeis en xeral que é a principal rémora á hora de crear unha asociación ou de involucrarse máis activamente nela.
• A actividade terá lugar o sábado 8 de xaneiro, de 10 a 13 horas na Casa da Cultura de San Ciprián e os interesados poden inscribirse a través do correo asombriza@yahoo.es
• A Sombriza serve de anfitrioa destas xornadas organizadas pola Federación de Xuventude de Galicia, da que forma parte.
Cervo, 30 de novembro de 2010.- As dificultades máis cotiás coas que se enfronta alguén que xestiona unha asociación, sexa do tipo que sexa (cultural, deportiva, xuvenil,…) son o acceso ao financiamento suplementario ás cotas dos seus socios e a xestión administrativa diaria. Para dar solución a este segundo problema o vindeiro mes de xaneiro terá lugar en San Ciprián unha xornada formativa á que está convidado todo o tecido asociativo da provincia de Lugo. A asociación cultural A Sombriza serve de anfitrioa destas xornadas organizadas pola Federación de Xuventude de Galicia (FEXUGA), da que os mozos deste colectivo cultural forman parte.
En tres horas, e de xeito absolutamente gratuíto, os participantes poderán coñecer fórmulas para facilitar algo tan habitual no mundo asociativo como levar as contas, os libros de socios e actas, e o papeleo en xeral, que é a principal rémora á hora de crear unha asociación ou de involucrarse máis activamente nela. De feito, técnicos especialistas darán conta das novidades máis salientables no ámbito xurídico, fiscal, contable e de recursos humanos e laboral, visto desde unha perspectiva útil e sinxela de comprender para as asociacións. Os responsables das xornadas técnicas non só impartirán nocións básicas e fundamentais sobre xestión de asociacións, con exemplos prácticos e emprego de modelos reais, senón que tamén resolverán os problemas concretos que poidan suscitarse polos asistentes. Todos os participantes recibirán ademais unha guía informativa.
CONTIDO VARIADO E ÚTIL
No ámbito xurídico os técnicos explicarán materiais tan habituais no seu uso asociativo como a elaboración de actas e certificados, quen está capacitado para asinalas, que trámites ou requisitos son necesarios para modificar datos da asociación e a qué rexistros afectan, etcétera-. No ámbito fiscal abordaranse cuestións como as retencións do IRPF, obrigas con Facenda, IAE e IVE. Neste ámbito profundizarase nos supostos de exención de IVE, a posibilidade de realizar actividades sen este imposto, e como liquidalo. Tamén se analizará o réxime especial fiscal de doazóns, patrocinios e mecenazgo. No ámbito contable os expertos abordarán, dun xeito sinxelo, que tipo de documentación e información contable deben rexistrar as asociacións sen ánimo de lucro, a maioría das que compoñen o tecido asociativo da nosa comarca. Finalmente no ámbito dos recursos humanos se observarán as obrigas das asociacións e voluntariado, e a contratación: tipos de contrato, prazos, trámites ante a seguridade social. Todo –insisten- desde unha linguaxe facilmente comprensible.
INFORMACIÓN E INSCRICIÓNS NO E-MAIL DA SOMBRIZA
Aqueles que podan estar interesados en obter máis información sobre estas xornadas ou queiran realizar xa a súa inscrición –as prazas son limitadas- poden facelo remitindo un correo ao enderezo electrónico asombriza@yahooo.es. Tamén poderán obter información nos distintos puntos de atención xuvenil dos seus respectivos concellos. Desde A Sombriza insisten na utilidade destas xornadas e animan a todas as asociacións a participar, pois trátase de tan só tres horas de duración e cunha actividade cen por cen gratuíta. Malia que o prazo de inscrición é amplo, xa está aberto para dar máis facilidade aos interesados nun mes, o de decembro, chego de festividades. A xornada terá lugar o sábado 8 de xaneiro, entre as 10 e as 13 horas, na Casa da Cultura de San Ciprián.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
