Viveiro, 8 de setembro, 2025. O grupo municipal socialista, unha vez rematadas as festas patronais de Viveiro 2025, quere trasladar en primeiro lugar o seu recoñecemento á gran labor da Comisión de Festas, “á que aplaudimos polo esforzo e dedicación demostrados. Consideramos que as festas foron boas e que moitos dos actos organizados directamente polo Concello tiveron continuidade respecto de edicións anteriores, cando o goberno era socialista”.
“Non obstante, queremos solicitar información concreta sobre varios aspectos”:
1. Canto aportou o Concello ás festas patronais deste ano, diferenciando entre as achegas feitas directamente á Comisión de Festas (subvención) e os pagos realizados polo propio Concello.
2. A que se vai destinar exactamente a subvención recibida da Xunta de Galicia, tanto a de promoción turística (145.000 €) como outras cantidades adicionais que se teñan concedido.
3. Despois de recibir ditas subvención por que razón algúns grupos locais non participaron nas festas, logo de que o propio Goberno Municipal lles trasladase que non existía partida económica para contar con eles.
“Por todo isto, rogamos ao equipo de goberno que nos informe con transparencia e detalle sobre as achegas económicas do Concello ás festas patronais de 2025, así como da aplicación concreta das subvencións concedidas pola Xunta de Galicia”.
OCUPACIÓN DA EXPLANADA DO MUELLE DE VIVEIRO, DE DOMINIO DE PORTOS DE GALICIA
En relación coa ocupación da explanada do peirao de Viveiro, de dominio público de Portos de Galicia, durante as festas de San Roque.
En mandatos anteriores, cando empresas de carruseis ou outras instalacións solicitaban situarse neste espazo, Portos de Galicia establecía que debía ser o Concello quen asumise a solicitude e quen aboase as taxas correspondentes pola ocupación. Os técnicos xurídicos municipais consideraban que isto supuña asumir unhas responsabilidades que non lle correspondían ao Concello.
Este ano, constatouse a presenza de atraccións no devandito espazo, coincidindo coa existencia dunha comisión de festas, feito que valoramos positivamente. Sen embargo, “rogamos ao equipo de goberno que nos informe con claridade se foi o Concello quen solicitou a ocupación do muelle e quen pagou as taxas correspondentes, e, no caso de que así fose, cal foi a contía exacta desas taxas”.
LIMPEZA DO REGO DO MARTELO OU PONTIGA EN AREA
Por outra banda, “o noso grupo municipal quere chamar a atención sobre o estado lamentable no que se atopa o rego Martelo (ou pontiga), convertido nun auténtico canaveiral que sobrepasa a altura dos muros do paseo, no que xa nin sequera se distingue o propio curso da auga, sobre todo dende a estrada ata o final do seu cauce”.
“Durante o anterior mandato existían carteis que explicaban as razóns polas que non se podía proceder á súa limpeza, sinalando as trabas impostas por augas de Galicia pertencente á Xunta. Actualmente, eses carteis xa non existen, xa que foron retirados, e a veciñanza descoñece cal é a situación real: ¿quen queda en evidencia ante a cidadanía, a Xunta de Galicia ou o Concello de Viveiro?”.
“O certo é que, de cara ao inverno, e co risco de inundacións na estrada que todos coñecemos, sería imprescindible actuar sobre este regato e acometer os traballos de limpeza necesarios”.
“Por todo o anterior, rogamos ao equipo de goberno que nos informe con claridade cal é a situación deste regato, que xestións se realizaron coa Xunta de Galicia para a súa limpeza e que medidas se teñen previsto levar a cabo para garantir a seguridade de vehículos e viandantes, ante posibles enchentes”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
