Cada vez é máis patente que boa parte do tempo os pobos e os políticos que os gobernan van por camiños diferentes. Non é un fenómeno novo, senón un que ó longo do tempo foi posible observar mellor e por iso ver as diferencias, aínda que nos últimos tempos o enturbiado das redes sociais estea a facer retroceder a visión a nivel de tempos xa pasados.
Parece que tempo pasou de cando os reis dicían ‘o estado son eu’, ó tempo que as raíñas aconsellaban ó pobo que, sen non tiñan pan, comeran doces. Hoxe a monarquía é unha institución que se conserva por inercia histórica e conveniencias diversas de poderes non menos diversos. Dificilmente pode argumentarse que se mantén pola súa utilidade, a utilidade da monarquía, ou pola utilidade e valía de quen está no posto, polos polos propios reis (hoxe e en xeral, sexan monarcas actuais ou pasados). Sinxelamente, é algo como un comodín intercambiable que xogadores nas altas esferas sociopolíticas poden usar no seu xogo de poder (usar e tamén gastar, como amosa o emérito).
Seguindo co título da obra de Francisco de Rojas, ‘Del Rey abajo, ninguno’, os poderes que van en cascada dende o mandamáis/Rei ate o pobo que podemos ser ti ou eu, tamén se ven cuestionados. Non porque pasara o seu tempo como pode ser no caso dos reis (dende o seu establecemento, coa tendencia a caducar de todo o temporal), ou pola falta de representatividade que podan ter no caso doutros poderes (por defecto democrático na súa constitución ou o feito da súa non elección). Non, senón sinxelamente por apartarse as súas decisións do ben da xente, no presente e cara ó futuro. É dicir, por tomar decisións favorables a unha minoría con poder en prexuízo do pobo, a maioría da que emana o poder.
O caso é que xa na obra de teatro de Francisco de Rojas, coa mentalidade da época, está establecida unha diferencia entre o Rei, ó que se lle permiten facer cousas, e o resto, a quen non. Tempo despois, sexa ou non representativo, o rei segue a ter prerrogativas que os máis non temos. E aínda máis, é inevitable un efecto contaxio a outras persoas, ben por proximidade de trato, lazos económicos ou sociais, proximidade na escala de poder ou outras causas, chegando dese xeito a que haxa máis xente que se vexa por riba da lei (políticos que a lexislan, empresaios que presionan para escapar dela, xuíces que deberan aplicala…), e a que se multipliquen en consecuencia os efectos negativos desa desigualdade entre ‘os poderosos’, que engaden privilexios ó seu poder inicial, e ‘o pobo’. Un efecto contaxio que se ve incrementado por evolucións que están a ter lugar noutras partes do mundo, dende o Israel de Netanyahu da fuxida adiante, xenocidio incluído, para eludir a súa propia culpabilidade e enxuizamento por outros temas, ós Estados Unidos de Trump, que pasa por riba das leis, militariza cidades, destrúe familias enteiras de inmigrantes e ameaza con postularse para outro mandato por riba do tempo establecido, como calquera ditador.
Exemplos máis próximos? Queda para outra; seguro que ti podes atopar máis dun.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
