Os senadores dirixen formalmente preguntas na Cámara Alta para saber se Alcoa está entre as beneficiarias, a contía que recibirá e as razóns no caso de ser denegaba
A Mariña, 11 de setembro de 2025. O PP lucense pregunta ao Goberno de Sánchez dende o Senado se a factoría de Alcoa San Ciprián está entre os beneficiarios das axudas de compensación por custes das emisións indirectas de CO2. Os senadores populares José Manuel Balseiro, José Manuel Barreiro e Juan Serrano teñen formulado de forma oficial esta cuestión ao Ministerio de Industria e Turismo interesándose por coñecer a contía e, no caso de ser rexeitada esta axuda, esixen as explicacións ao Goberno de Sánchez sobre os motivos da denegación.
Balseiro explica que o ministro de Industria, Jordi Hereu comprometeuse a mobilizar 600M€ neste ano 2025 ao abeiro deste mecanismo “esencial para axudar á industria electrointensiva na transición enerxética, asegurando a súa competitividade, a produción e o emprego”; aínda que lembra que o compromiso podería ser moito máis ambicioso xa que “o Estado podería dirixir ata 900M€” a esta finalidade.
Nese sentido, o Partido Popular ten reclamado en diversas cámaras que o Goberno “aumente a dotación orzamentaria das axudas de compensación de custos de emisións indirectas de CO2 ata o máximo legalmente permitido pola normativa europea”, en concreto, ata o 25% dos ingresos a compensacións por custes das emisións indirectas de gases efectos invernadoiro polo que á industria electrointensiva española lle corresponderían preto de 900M€.
O senador mariñán explica que “non se trata de dar un trato privilexiado a Alcoa”; xa que este mecanismo de apoio existe en todos os países da Unión Europea e é un factor determinante para garantir a competitividade da industria electrointensiva. Iso si, “España forma parte dos países que menos recursos destinan en favor da empresas que operan no seu territorio”.
O senador mariñán lembra tamén os “constantes incumprimentos de Sánchez cos traballadores da factoría mariñá coa complicidade do PSOE e do BNG”. E, pon como exemplo, a autorización dos parques eólicos de competencia estatal vinculados a contratos a longo prazo para a produción de enerxía a prezos competitivos (PPAs) que “continúan bloqueados a pesar de ser prometidos por Besteiro en decembro do 2023 e reiterado en xullo do 2024 que serían autorizados en cuestión de días”. Pola súa banda, “a Xunta si cumpre o que promete e ten autorizado os parques da súa competencia e a ampliación da balsa de lodos”.
Tamén sinala que outro factor desilusiónante foi cando “o Goberno de Sánchez prometera un novo estatuto electrointensivo, pero acabou aprobando un que da menos axudas que se reparten entre máis empresas, polo que Alcoa sae perdendo”. E engade que “tamén ten incumprido constantemente o acordo sobre a convocatoria da mesa de seguimento, que non reúne coa periodicidade prometida”.
Balseiro insiste en que o obxectivo final é reclamar “un marco eléctrico estable e competitivo á industria electrointensiva, como fan no resto de países da Unión Europea”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
