Nota de prensa:
A Deputación adianta a entrada en vigor do Orzamento de 2011 para axudar aos concellos
– O Presidente anuncia que a Xunta de Goberno deste venres adxudicará as derradeiras obras do Plan Extraordinario de Obra Pública
– Gómez Besteiro denuncia a incompetencia da Xunta de Galicia “porque antes viña un Conselleiro para dar cartos pero agora vén e chos quita”
– O Presuposto, que supera os 92 M€, está caracterizado por un adelgazamento grazas ó cumprimento das débedas históricas como as transferencias hospitalarias, e polo aumento da cooperación cos municipios
– O equipo de goberno denuncia que a política de prezos da Lei de Augas suporá nalgúns casos incrementos do 140% respecto do prezo actual
O Pleno da Deputación aprobou este martes, a pesar dos votos en contra do Partido Popular, o Orzamento consolidado de 2011 que ascende, nivelado en gastos e ingresos, a 92.112.201 euros. O actual equipo de goberno fixo un esforzo por adiantar un mes a aprobación do Presuposto con respecto á data tradicional debido ó problema de liquidez que teñen os Concellos. Precisamente, manter o máximo nivel de prestación de servizos ós municipios é unha das principais características das contas.
O Presuposto adelgaza 32 millóns de euros con respecto ó da anualidade anterior debido ó cumprimento das débedas históricas como a transferencia dos hospitais ó SERGAS que conleva 20 millóns de euros menos. No caso do INLUDES, a redución é de 14 a 10,5, porque as anualidades para os programas europeos de administración electrónica e creación de emprego están a pleno rendemento, polo que a anualidade que resta para 2011 é moito menor. Asimesmo, o de SUPLUSA rondará os 7 millóns, porque este ano xa ten a dotación económica, 12 millóns de euros, para o programa de residencias e centros de día para a terceira idade. O Presuposto ten tres características:
1.- É o Orzamento do cumprimento, “xa que as débedas históricas xa non lastran unha enorme porcentaxe dos nosos presupostos”, como era o caso do pago do canon hidroeléctrico a 15 Concellos, a creación de parques de bombeiros ou da UNED en Lugo. A este respecto, no debate presupostario o Presidente subliñou que “se en 24 anos o PP só e capaz de lembrar que fixo a Facultade de Veterinaria, mal imos”. Neste senso, engadiu: “vostedes son a peor oposición de historia da Deputación”.
2.- É o primeiro Presuposto que acada na estabilidade presupostaria na súa aprobación, respectando o Plan Económico Financieiro marcado pola Deputación en 2008. “Esta estabilidade é un éxito compartido por todos”, afirmou Gómez Besteiro.
3.- É o Orzamento da máxima cooperación. “A Deputación está vivindo unha situación en parangón debido a que o goberno autonómico escúdase na falsa austeridade para pasarlle a factura ós veciños ou ós Concellos. A Xunta de Galicia nin está nin se espera. Antes viña un Conselleiro para dar cartos, pero agora vén e chos quita”.
O vindeiro ano, o equipo de goberno realizará unha importante redución en materia de gastos. Neste senso, este capítulo diminúe en 3.174.353,41 €, o que representa un 18,44% respecto do ano anterior. “Hoxe todo se fiscaliza pero nós non imos facer o traballo da oposición. O PP ten máis ferramentas a súa disposición das que tiñamos nós cando estivemos no seu lugar”.
Sobre os capítulos 6 e 7, que son Investimentos, suman 21,5 millóns de euros. “Precisamente, este venres adxudicaremos na Xunta de Goberno as derradeiras obras do Plan Extraordinario en Palas de Rei e Ribeira de Piquín”. Na área de Órganos de Goberno, diminúen todas as partidas, debido fundamentalmente á redución do 5% nas retribucións, incluídas as de políticos coma soldos que se manteñen conxelados dende 2009. No apartado de gastos de persoal a variación é moi significativa: baixa en 10.100.499,39 €, un 33,08% respecto ó ano anterior.
Con respecto á execución, o Presidente solicitou un listado a Intervención a data de hoxe, que sinala que o Orzamento comprometido, é dicir, adxudicado é de 73,98%, e entregoulle unha copia ó grupo do Partido Popular.
“Unha situación económica saneada”
Grazas ó cumprimento das débedas históricas, en 2011 a Deputación necesita endebedarse menos. De 25 millóns en 2010 pasa a 5 millóns este ano, menos do nivel máximo do 75% que prevé o borrador da Lei de Presupostos do Estado. Gómez Besteiro destacou que “agora a Deputación ten unha situación económica saneada”, e correxiu ó Partido Popular, xa que a cifra exacta de débeda de todo o mandato é de 48 millóns de euros. “Foi para investimentos non para gastos. Permitiunos executar actuacións que doutro xeito non poderiamos acometer. Que diga o PP que deixamos sen facer? Porque con esta débeda empregamos 12 millóns para a construción de residencias da 3ª idade onde a Xunta non chega; 6 para polígonos industriais onde a Xunta tampouco chega; 30 para o Plan Extraordinario de Obra Pública que mantén miles de postos de traballo nesta provincia mentres que a Xunta provocou a maior caída de obra pública dos últimos anos; 3 para parques de bombeiros, incluído o de Barreiros –que vostedes querian facer sen auga-; uns parques que vostedes cualificaban de marroncito; 11 para pagar a débeda do canon hidroeléctrico que vostedes deixaron a 15 Concellos… de qué préstamos prescindimos, sr Barreiro?”.
Asimesmo, o máximo mandatario provincial lembrou que ata os convenios que deixou asinados o Partido Popular antes de marcharse “tivémolos que financiar con cargo ós préstamos porque non deixaron nin financiamento para eles”.
O Presidente rematou comparando a débeda co último ano do PP, xa que “co crédito de 50 millóns que vostedes querían sumar ós créditos que xa tiñan, o nivel de endebedamento acadaría 138,82%, é dicir, máis do 110% legal naquel momento e poñendo en risco a situación financeira desta institución”. Ademais, devolveulle a pregunta ó voceiro deste Partido, que previamente sumou o Orzamento dos 4 anos de mandato actual, para preguntar en que fora gastado. Neste senso, Gómez Besteiro engadiu: “que fixeron vostedes con mil seiscentos dezanove millóns cento cincuenta e sete mil oitocentos noventa e sete euros, que foi Orzamento de 24 anos de mandato?.
Lei de Augas
O equipo de goberno acordou, cos votos en contra do PP, instar á Xunta de Galicia a que a política de prezos estipulado pola Lei de Augas de Galicia se axuste ó que din as directivas comunitarias, xa que a aparición do novo canon suporá nalgúns casos incrementos do 140% respecto do prezo actual, así como que antes de subirlle a auga ós cidadáns se faga un profundo estudo no que se teña en conta a súa demanda en todos os seus usos. Asimesmo, esíxelle ó goberno autonómico a que se faga unha política de prezos, aplicando principios de progresividade e de equidade; que se recoñeza o traballo feito polas traídas veciñais dende a década dos 60; e que se faga o necesario para evitar a duplicidade na recuperación de custos e que os cidadáns paguen os mesmos impostos se están baixo a competencia da conca hidrográfica, dependente da Xunta, como nalgunha das concas intercomunitarias, que son competencia do Estado. Asimesmo, na proposta do equipo de goberno tamén se lle pide á Xunta que os cidadáns participen na política de prezos e que os gobernos locais non sexan utilizados como meros instrumentos recadadores.
Ordenanza pago telématico e pasamento de Fernández del Riego
A Corporación tamén aprobou por unanimidade a ordenanza que regulará o pago telemático a través de Internet dos tributos ou taxas públicas, e que facilitará o pago ós 62 Concellos que teñen delegado a recadación de tributos na Deputación. Co novo procedemento mellorarase o servizo ofrecido ata o de agora ós cidadáns e ás empresas, conseguindo que os contribuintes non teñan que desprazarse á Deputación para efectuar o pago dos seus tributos, afórrandolles tempo e cartos. Asimesmo, deuse o visto e prace á unha segunda ordenanza que, neste caso, regula o Boletín Oficial da Provincia, que permitirá que este comece a editar a partir de xaneiro en formato electrónico, podendo consultarse a través de Internet.
Ante o recente falecemento do insigne lucense, Francisco Fernández del Riego, o Pleno aprobou a proposta da Presidencia na que se acorda trasladar ós seus familiares as condolencias polo pasamento do ex presidente da Real Academia Galega; unha figura que contribuiu de forma decisiva á transformación e evolución da Galicia actual.
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061.
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.