Alertan de que o PP eliminou o servizo municipal de clases de patinaxe artística para privatizalo e adxudicalo a unha empresa
Xove, 23 de setembro de 2025. O Grupo Municipal Socialista de Xove denuncia a falta de respostas e a deixadez constante do goberno local do Partido Popular, que segue sen ofrecer solución aos problemas esenciais que sofre o municipio, como a falta de cobertura sanitaria, o abandono da rede de auga e a privatización de servizos municipais.
Sanidade: verán sen médico e futuro incerto
O PSdeG lembra que este verán Xove viviu unha situación sanitaria “absolutamente insostible”: o Centro de Saúde estivo practicamente todo agosto sen médico, o que derivou en episodios de especial gravidade, como a falta de atención a un infarto en urxencias ou o tráxico falecemento dun veciño de Sumoas.
Segundo afirman os socialistas, o alcalde recoñeceu no último pleno que a praza vacante por xubilación non se cubrirá ata outubro, o que implica que, mentres tanto, a atención depende dunha soa médica residente. “É dicir, Xove conta cunha soa unha médica titular e cando falta quedamos sen servizo”, censuran.
“Esta é a política do PP: botar balóns fóra, poñer escusas e, o máis grave, xogar coa saúde da veciñanza”, engaden. Ademais, subliñan que a política de recortes da Xunta reduciu o número de facultativos no xeriátrico municipal, que debería contar con tres médicos para atender 150 internos e apenas dispón dun.
Abastecemento da auga: dezaoito anos de abandono
No relativo ao abastecemento da auga, desde o PSdeG lembran que as instalacións levan dezaoito anos sen melloras, con tubaxes de fibrocemento que se rompen de maneira constante e equipos de tratamento obsoletos. A consecuencia son episodios reiterados de auga en pésimas condicións, tanto no núcleo urbano como nas parroquias.
Fronte a esta denuncia, o alcalde limítase a falar de “fallos puntuais” pola seca de xullo ou por unha tubaxe rota, e a sinalar que está pendente dunha reunión co presidente da Xunta para ver cando se poderán acometer as melloras valoradas en 1,5 millóns de euros.
“Unha vez máis, o PP evita asumir responsabilidades e dedica o seu tempo a atrasar solucións. Mentres tanto, a veciñanza de Xove segue atrapada cunha rede abandonada e obsoleta, sen planificación nin investimentos, e sen perspectivas de mellora a curto prazo”, critican.
Servizos municipais: o PP elimina a patinaxe artística
Neste sentido, os socialistas alertan de que o PP decidiu eliminar o servizo municipal de clases de patinaxe artística, entregándoo a unha empresa privada e subvencionada directamente polo Concello.
Desde a agrupación consideran que esta decisión é “un novo exemplo da política de recortes e privatizacións do PP, que goberna a dedo, sen concurso público nin transparencia. En lugar de apostar por unha xestión municipal e aberta, prefiren controlar os servizos a través de subvencións nominativas, afastándose do interese xeral da veciñanza”.
“O Partido Popular leva anos gobernando en Xove a base de deixadez, recortes e privatizacións, mentres a veciñanza segue perdendo servizos básicos e calidade de vida. Desde o PSdeG imos seguir facendo unha oposición útil e responsable, poñendo enriba da mesa os problemas reais da veciñanza e reclamando solucións inmediatas fronte a un goberno que só trae atraso e ningunha mellora”, conclúen os socialistas.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
