Ángeles Vázquez anima aos concellos lucenses con infraestruturas públicas danadas polo lume en espazos protexidos a pedir as axudas da Xunta e subliña que o prazo para optar a calquera das subvencións polos danos dos incendios se amplía ao 30 de outubro
Lugo, 30 de setembro de 2025. A Xunta de Galicia abordou hoxe cos concellos da provincia de Lugo as medidas para afrontar a reparación dos danos causados polos últimos incendios forestais que afectaron á comunidade, así como as reformas normativas a impulsar desde o Executivo autonómico co fin de mellorar a prevención.
Ante arredor de 40 representantes de municipios lucenses, a conselleira de Medio Ambiente e Cambio Climático, Ángeles Vázquez, aproveitou o encontro para alertar de que a inacción do Goberno central pon en perigo preto de 2.000 millóns de euros do Fondo social para o clima da Unión Europea que permitirían financiar en Galicia máis de 60 proxectos claves para acadar os obxectivos climáticos establecidos a nivel comunitario e que, polo tanto, repercutirían positivamente sobre o conxunto da comunidade.
Neste sentido e tras lembrar que o prazo para que os estados membros remitiran as súas propostas rematou o 30 de xuño, a conselleira lamentou que, a día de hoxe, a Xunta siga sen recibir unha resposta do Executivo central sobre que fixo cos 62 proxectos galegos susceptibles de beneficiarse deste novo instrumento de financiamento europeo, motivo polo que a Xunta se dirixiu directamente á UE para obter información.
Así mesmo, con relación aos incendios forestais que afectaron recentemente á provincia, a conselleira lembrou que está aberta a posibilidade de solicitar axudas, dirixidas a entidades locais e a mancomunidades, para restaurar infraestruturas de uso público danadas en zonas da Rede galega de espazos protexidos e en Reservas de biosfera.
En concreto, no caso dos concellos explicou que poden optar a unha contía de ata 40.000 euros —20.000 euros por subvención, cun máximo de dúas actuacións subvencionables— grazas ás axudas convocadas polo seu departamento para apoiar ás entidades locais na restauración de elementos estruturais de sendas e rutas, infraestruturas e instalacións de interpretación do medio natural ou mobiliario de áreas recreativas localizadas en espazos protexidos e que resultaran danados polo lume.
Durante a reunión, que contou tamén coa participación do delegado da Xunta en Lugo, Javier Arias, e a directora xeral de Patrimonio Natural, Marisol Díaz, a conselleira explicou que estes incentivos compleméntanse coa outra liña de axudas do seu departamento destinada a compensar aos titulares de Tecores para cubrir os gastos de sementeira de cereais en terreos afectados e reparar e repoñer instalacións danadas.
Ambas ordes están incluídas no paquete de medidas aprobado pola Xunta a finais de agosto para impulsar a reconstrución das zonas afectadas polos lumes e que inclúen, ademais, axudas para paliar danos en vivendas, explotacións agrogandeiras ou negocios. Neste sentido e tras lembrar que as liñas de apoio habilitadas polo Executivo galego non teñen límite orzamentario, Ángeles Vázquez subliñou que o prazo para solicitar calquera destas axudas acaba de ampliarse ata o vindeiro 30 de outubro.
Así, grazas á modificación aprobada onte polo Consello, poderán beneficiarse destas achegas non só os prexudicados polos lumes do pasado verán senón aqueles que sufran algún dano por incendios ocorridos entre o 29 de agosto e finais de outubro. Deste xeito, a conselleira incidiu en que se busca garantir o acceso ás achegas aos afectados que tras os lumes de agosto aínda non puideron recompilar toda a documentación requirida e tamén incluír a persoas, empresas e concellos que se viran prexudicados posteriormente.
Ademais, destacou a axilidade na tramitación, salientando que moitas das solicitudes recibidas ata o momento están resoltas. En concreto, 19 axudas a propietarios de vivendas afectados; outras 22 dirixidas a paliar os danos en terreos cinexeticamente ordeados (Tecores) e catro para negocios danados polo lume.
Melloras en prevención
A reunión serviu para trasladar tamén aos responsables municipais as modificacións anunciadas nos procedementos de autorización para actividades en Rede Natura co fin de mellorar a prevención de incendios nestas zonas. Ao respecto, a conselleira trasladou que se vai simplificar a obtención dos permisos para facer rozas e queimas controladas.
En concreto, a Administración autonómica propón que, co correspondente permiso, se poidan facer lumes técnicos en Rede Natura entre os meses de marzo e maio. Tamén se elevarán as porcentaxes de terreo que se pode rozar nestes espazos protexidos da superficie de matogueira (que pasará do 20% ao 30%) e o máximo no que se permiten facer queimas, que neste caso se incrementará do 5% ao 10%.
A información facilitada durante a reunión incluíu tamén unha explicación das facilidades que se queren introducir para que, por exemplo, as parcelas forestais sen aproveitamento non necesiten ningún tipo de autorización para volver ser cultivadas; así como que as talas necesarias para regresar ao uso agrícola non precisen avaliación ambiental nin outro papelame. Asemade, está previsto que os terreos que eran de uso agrícola non pasen automaticamente a uso forestal despois de 40 anos de abandono.
Por último, os responsables da Xunta aproveitaron para coñecer de primeira man as inquedanzas dos asistentes sobre a situación derivada dos incendios que afectaron a esta provincia e resolver dúbidas relacionadas con rozas, queimas e outras cuestións.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
