As poucas enquisas referidas ás eleccións nacionais galegas posteriores aos últimos comicios de febreiro de 2024 reflicten unha lixeira, mais sostida, baixa do PP (da orde de 2-2,5 puntos que lle poderían facer perder un escano, mais comprometerían moi de perto os dous que definen a absoluta) unha tendencia á alza do BNG (máis ou menos 1,5 puntos) e unha perda de décimas do PSdeG, mentres as demais forzas políticas seguirían moi lonxe do 5% que fai posíbel quitar escano.
Mais antes das nacionais galegas de 2028 (ou, quizais, da segunda metade do 2027), veñen as locais de maio de2027. E aí o sobernismo galego está obrigado a continuar o alargamento social de 2023, anovando candidaturas, mais tamén integrando persoeiros, grupos e candidaturas locais de sensibilidade galeguista, municipalista e progresista. O PPdeG (consciente do dano que lle está a facer o proxecto Altri e a xestión dos lumes) coñece da importancia destas locais e está a disparar contra todos os alcaldes nacionalistas e progresistas que pode (o último até de agora o de Ribeira, moi recoñecido no seu concello e bisbarra), sumando para as mocións de censura, mais tamén integrándoas cara as candidaturas da dereita no 2027, a tutti quanti dese ateigado mundo de grupúsculos supostamente independentes de persoas (no seu día) cabreadas co PP.
Fronte esta enxurrada de mocións de censura e presións no eido local, o BNG habería ser moi hábil en facer realidade, nos concellos galegos post 2027, o alargamento social e maila integración dese país dinámico, moderno, transversal e inclusivo no que acredita Pontón e a dirección nacional refrendada a fins de 2024 polo 85% do voto das persoas adherentes. Os obxectivos han ser subir votos e representación en case todas as vilas e cidades e sumar novas alcaldías e cogobernos, entre eles aqueles perdidos pola enxurrada de mocións de censura posteriores á sentenza do Tribunal Constitucional da primavera de 2025 que permitiu computar os votos dos concelleiros tránsfugas. Atendendo sempre á necesidade dunha xestión transformadora e eficaz, pois que son os colectivos máis vulnerábeis os que primeiro sofren das eventuais eivas xestoras dos gobernos locais progresistas.
Semella que a tendencia lóxica na Galicia é que o nidio liderado da oposición no Parlamento de Galicia que o electorado outorgoulle ao BNG no 2020 e 2024 determine un substancial avance do BNG nas locais de 2027.Para iso cómpre elixir persoas de nidia aptitude e vocación de goberno que ofrezan ás veciñanzas boas expectativas, quer de continuidade, quer de cambio. en cadanseu concello. Exemplos de éxito, dende a Pontevedra de Lores até o Carballo de Ferrero e o Allariz de Quintana, García e Cid hainos e ben potentes.
Require isto, tamén, continuar na potenciación dunha clara visibilización nacional dos alcaldes e alcaldesas soberanistas, nomeadamente as das principais vilas e cidades. A capacidade de gobernar os concellos anticiparía o xuízo da cidadanía a respecto da capacidade de gobernar o País
Transcendendo das locais de 2027 cara ás nacionais galegas de 2027 ou 2028, cómpre lembrar o discurso de Pontón no peche da XVIII asemblea congresual: “o revolucionario é gobernar”. Nin a propia organización soberanista nin os sectores sociais que se sintan próximos ao seu proxecto haberían dubidar, non xa da conveniencia, senón da necesidade de acceder ao goberno deste país e da esixencia de arrombar resistencialismos e fundamentalismos para integrar eses centos de milleiros que debullan esa Galicia moderna e dinámica que é quen de se pensar e expresar dende si propia. A Galicia que habería ser protagonista do cambio político galego.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
