Foz, 12 de outubro de 2025. A ITV móbil irá a San Martiño o día 21 deste mes, martes, e o vehículo da Policía para renovar o DNI e o pasaporte estará en Foz o 11 de novembro, tamén martes.
O Concello de Foz informa a todos os propietarios de vehículos agrícolas que a unidade móbil da ITV estará na área recreativa de Ferreira Vella, en San Martiño, o martes 21 de outubro en horario de 9.00 a 13.30 horas. Para solicitar cita previa hai que chamar ao teléfono 902.309.000 ou a través da web www.sycitv.com. A organización lembra que non se pasará inspección a vehículos con carga nin a vehículos con apeiros.
E para todos aquelas veciñas e veciños que queiran renovar o seu DNI ou pasaporte no concello de Foz anuncia que xa se pode solicitar cita para o martes 11 de novembro a través da páxina web concellodefoz.gal, do teléfono 982.140.027 ou de forma presencial no rexistro municipal. O Vehículo Integral de Documentación da Policía Nacional (VIDOC) estará estacionado no Paseo da Ribeira, diante do CENIMA.
O alcalde de Foz, Fran Cajoto, agradece á Policía Nacional e a Supervisión y Control SAU “o achegamento de servizos ao noso concello. O servizo renovación de DNI e pasaporte é moi valorado e estamos traballando para aumentar de un a dous días ao mes as datas de desprazamento do VIDOC ao noso concello. A ITV móbil é unha moi boa alternativa para agricultores e gandeiros das parroquias de Santo Acisclo, Santa Cilla, San Martiño e Vilaronte, que evitan desprazamentos á ITV de Cangas”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
