Foz, 10 de outubro de 2025. O Concello de Foz licita, a través do procedemento aberto de contratación, a renovación e mellora do acceso ao IES de Foz, das rúas Jesús Nazareno, do Mar, Concello de Cervo e a substitución da rede de abastecemento de Alfredo Brañas por un importe de 372.366, 33 euros, con cargo ao Plan Deputación 2025. As empresas interesadas poderán presentar as súas ofertas ata o vindeiro 23 de outubro.
O alcalde, Fran Cajoto, destaca que se trata de “obras moi demandadas polas veciñas e veciños, que se integran no proceso de renovación de servizos e mellora do firme e accesibilidade que se está a desenvolver no casco urbano de Foz, dentro do Plan de Mobilidade aprobado en marzo do ano 2022”.
O rexedor municipal explica que “unha das principais prioridades é mellorar a accesibilidade ao instituto de Foz, para que os autobuses poidan parar en condicións de seguridade para todos os alumnos. Por iso cremos importante investir algo máis de 117.000 euros nunha obra que é fundamental para o IES de Foz, referente na comarca. No Campo da Cabana vanse executar obras por algo máis de 121.000 euros, centradas no firme da rúa do Mar e en renovar saneamento, abastecemento e mellora de firme na rúa Jesús Nazareno. Tamén imos substituír a rede de abastecemento en Alfredo Brañas e por un importe de 105.000 euros; e na rúa Concello de Cervo renovar a rede de fecais, dispoñer unha nova liña de pluviais e dispoñer un novo o firme”.
Estas obras completan a actuación de renovación integral que se está a executar na rúa Alfonso X, orzamentada en algo máis de 67.000 euros e que executa a empresa Construcciones Cazás SL. “Hoxe puiden comprobar coa contrata o avance da renovación de Alfonso X, que vai a bo ritmo. Contamos poder aglomerar o vial a vindeira semana ou a seguinte máis, en función da dispoñibilidade dos equipos”, destaca o alcalde.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
