Ribadeo, 14 de outubro de 2025. Ribadeo segue a mellorar os locais sociais. O das Anzas estrea nova imaxe.
O alcalde, Dani Vega, contou que “seguimos mellorando os locais sociais, neste caso o das Anzas. Detectamos varios problemas e conxuntamente coa asociación o que fixemos foi xestionar unha subvención coa Xunta de Galicia. Con iso garantimos que non utilizamos recursos municipais, tampouco utilizamos recursos da asociación, en definitiva, o que se fai é solicitar unha subvención, é dicir, unha xestión feita á Xunta para poder arranxar os locais sociais”.
O rexedor dixo que “a Xunta de Galicia ten unha liña de subvencións, non é a única asociación que o pediu en Ribadeo, 12.000 euros son para obra e 5.000 para equipamento. E neste caso, nas Anzas o que se fixo foi retirar toda esa escaleira que estaba introducindo humidade na parede, acondicionouse a entrada para a eliminación de barreiras arquitectónicas, o arranxo das paredes interiores afectadas por esas humidades causadas pola escaleira. Tamén se arranxou a parede no seu exterior, colocouse unha estufa para quentar o local e unha escaleira no exterior e pintouse todo o interior e o exterior nesa parte que estaba afectada polas humidades”.
Para Dani Vega “os obxectivos claros, que é mellorar a seguridade e a durabilidade do propio edificio, garantir a accesibilidade universal no espazo, incrementar o confort dos usuarios mediante unha climatización eficiente, preservar e revitalizar todo o punto de encontro dos veciños das Anzas como un espazo social, cultural, en definitiva ter un local social vivo e permanentemente conservado para que os veciños o poidan utilizar”.
O alcalde explicou que “todo isto que se fixo, que foi retirar a escaleira vella, colocar a nova, acondicionar a entrada, arranxo de paredes interiores e exteriores, colocar esta estufa, ten un orzamento total de preto de 12.000 euros. Esta é unha inversión que se fai nun local social, nunha mellora nestes locais que son de titularidade municipal, pero colaboramos coas asociacións para que se soliciten subvencións para mellorar os locais. Creo que é un gran beneficio para todos mellorar os edificios e así poder utilizalos, pero claro nun confort que todos os veciños evidentemente valoran moito”.
Vega tivo palabras de agradecemento para a directiva da asociación veciñal das Anzas: “a súa colaboración e boa disposición foron moi importantes para desenvolver estas melloras. E grazas tamén polo traballo que están a realizar”.
E engadiu: “seguimos nesa xestión permanente e na colaboración coas asociacións de veciños”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
