O acto terá lugar este próximo sábado, 18 de outubro, ás 19:30 horas e tamén se inaugurará a exposición dos carteis que deseñou o ilustrador para a Queimada Popular de Cervo
Cervo, 14 de outubro de 2025. O Concello de Cervo en colaboración con Airiños do Xunco, celebrará este sábado 18 de outubro, ás 19:30 horas, un acto no que a Sala das Carboeiras, situada no Conxunto Histórico Artístico de Sargadelos, será bautizada como “Sala Cultural Xosé Vizoso”, en homenaxe ao recoñecido artista e creador, recentemente falecido, cuxa pegada artística e humana permanecerá para sempre ligada á identidade cervense. Unha idea que partiu da asociación Airiños do Xunco a raíz do falecemento do ilustrador e que desde o Concello se valorou e apoiou desde o primeiro intre. Así como tamén se están a valorar outras propostas presentadas por distintas asociacións e colectivos locais para continuar recoñecendo e poñendo en valor a figura e o legado de Xosé Vizoso no ámbito cultural cervense.
A rexedora, Dolores García Caramés, destacou que “con este nomeamento queremos agradecer e perpetuar o legado de Xosé Vizoso, unha figura que fixo de Cervo a súa inspiración constante. A súa creatividade, xenerosidade e compromiso coa cultura deixaron unha fonda pegada no noso municipio”. Engadiu tamén que “esta sala será pois un espazo vivo no que a arte e o coñecemento seguirán florecendo, mantendo presente o seu espírito”.
Ademais, durante o acto, a agrupación Airiños do Xunco inaugurará unha exposición que reúne os carteis da Queimada Popular, deseñados por Vizoso ao longo de case medio século. Unha mostra que é un percorrido pola súa obra gráfica vinculada a unha das celebracións máis emblemáticas do municipio, que organiza cada ano con gran dedicación e entrega a asociación Airiños do Xunco, e que está declarada de Interese Turístico Galego.
Cabe recordar que antiga Sala das Carboeiras foi completamente renovada e transformada nun espazo multidisciplinar único, aberto á creatividade e á cultura en todas as súas formas. O novo espazo ofrece múltiples opcións para proxeccións, conferencias, exposicións de pintura e escultura, entre outras actividades. Con amplas instalacións e unha atmosfera versátil, ten as condición para ser un perfecto punto de encontro para artistas, profesionais e público en xeral, fomentando a interacción, a inspiración e a difusión da arte e do coñecemento.
Dende o Concello de Cervo fan un chamamento á veciñanza e ao público en xeral para participar neste acto, que será tamén un momento de lembranza, recoñecemento e celebración da vida e legado de Xosé Vizoso.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
