A alcaldesa Mariña Gueimunde e o deputado Pablo Rivera analizaron novas vías de colaboración en materia de vivenda e administración electrónica
Viveiro, 15 de outubro de 2025. Mariña Gueimunde, alcaldesa de Viveiro, mantivo unha xuntanza coa Deputación de Lugo, representada por Pablo Rivera Capón, Deputado de Promoción Económica e Social, para analizar as necesidades prioritarias do Concello e planificar a cooperación institucional para 2025. A rexedora trasladou que o Concello precisa «manter, polo menos, os mesmos convenios asinados en 2024», insistindo en que «os acordos cos concellos e coa veciñanza deben situarse por riba do partidismo político».
No ámbito cultural, Viveiro reiterará a solicitude de apoio para a Semana Santa —que a Deputación confirmou como subvención nominativa— . Avanzou que tamén pedirán que o Belén xigante conte con achega nominativa. A institución provincial, pola súa banda, comprometeuse a manter o apoio tanto á Semana Santa como ao Belén, así como a estudar as peticións que reciban por parte do Concello de Viveiro.
Na reunión abordouse, ademais, a problemática da vivenda en Viveiro e a posibilidade de rehabilitar as antigas casas dos mestres para cedelas a asociacións, seguindo modelos xa en marcha noutros concellos da Mariña. Como referencia, mencionouse o caso de Burela, que vén de poñer en marcha un proxecto para crear 20 espazos nun inmoble de 351,20 metros cadrados cun investimento de 123.237,96 euros financiado pola Deputación de Lugo. «Son actuacións que xeran tecido social, dinamizan barrios e dan resposta a necesidades reais das entidades locais», subliñou Gueimunde.
O Concello de Viveiro pediu tamén reforzar a implantación e o uso coordinado de «Gestiona», plataforma de administración electrónica empregada polos concellos, coa posibilidade de centralizar servizos na Deputación para mellorar a eficiencia e a capacidade de negociación con provedores.
Ademais, o Concello de Viveiro pechou para novembro unha reunión coa Vicepresidencia da Deputación para concretar liñas de traballo en temas relacionados co deporte e cultura, incluíndo cuestións vinculadas ao Conservatorio. «A cooperación leal e estable coa Deputación é fundamental para garantir servizos de calidade e proxectos útiles para a veciñanza de Viveiro», concluíu a alcaldesa.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
