Alertan de que a Xunta volve esquecer O Vicedo nas súas contas, deixando sen resposta demandas históricas como a LU-862, o saneamento, o peirao, o centro de día ou a VAC
Lugo, 24 de outubro de 2025. O Grupo Municipal do PSdeG-PSOE do Vicedo manifesta a súa profunda indignación ante os Orzamentos da Xunta de Galicia para o ano 2026, nos que “o noso concello volve quedar completamente excluído de calquera investimento significativo”. Para os socialistas, esta realidade consolida unha política persistente de abandono institucional, repetida ano tras ano, que compromete con gravidade o desenvolvemento social, económico e demográfico do Vicedo. A formación socialista considera este feito “inxustificable, discriminatorio e incompatible co principio de cohesión territorial que a Xunta proclama cada vez que fala da Galicia rural”.
Desde o PSdeG-PSOE subliñan que esta exclusión non é un accidente nin unha descoordinación administrativa, senón unha decisión política consciente e reiterada. Unha vez máis, desaparecen das contas autonómicas todos os proxectos fundamentais que a veciñanza do Vicedo leva anos reclamando con paciencia, firmeza e lexitimidade. A estrada LU-862, principal vía de comunicación da Mariña occidental, “continúa nun estado lamentable no tramo que atravesa o noso municipio. O firme deteriorado, a inseguridade viaria e a falta de mantemento contrastan co estado da mesma estrada en Mañón, xa renovada pola Xunta no tramo coruñés”, alertan. “Como se pode defender a cohesión territorial mentres se consente esta evidente desigualdade entre dous concellos veciños unidos pola mesma estrada? Esta é a metáfora perfecta de como se trata ao Vicedo: sempre para máis adiante, sempre en último lugar”, sinala o grupo municipal.
O mesmo abandono, inciden, volve repetirse coa rede de saneamento, unha infraestrutura básica e inescusable. Mentres a Xunta multiplica declaracións sobre o reto demográfico e a igualdade territorial, O Vicedo continúa sen o investimento necesario para modernizar e completar a súa rede, asumindo consecuencias ambientais, sanitarias e urbanísticas que penalizan o seu futuro. “Ningún discurso sobre o rural pode sosterse sen servizos públicos dignos. A Xunta é moi firme co relato, pero totalmente inoperante na acción”, afirman os socialistas, que censuran ademais a actitude pasiva do alcalde, “máis preocupado pola compracencia política que por esixir solucións reais”.
Parálise no Vicedo
Outro símbolo desta desatención é o peirao do Vicedo. Chamado a ser motor do turismo, da actividade pesqueira e do emprego local, “continúa sen as actuacións tantas veces prometidas pola Xunta. Ano tras ano, a infraestrutura permanece estancada, desaproveitada e fóra de calquera planificación realista”. Para o PSdeG-PSOE, esta situación evidencia unha falta absoluta de visión estratéxica para o noso municipio e unha desconsideración inaceptable cara ao seu potencial económico.
A mesma parálise afecta ao centro de día, unha débeda social que xa resulta insostible. Nun concello cun alto índice de envellecemento e con familias que precisan apoio, a Xunta mantén bloqueada a posta en funcionamento dunha instalación imprescindible. “Non se pode presumir de políticas sociais mentres se condena unha parte da poboación á desprotección e á soidade. O Vicedo merece dignidade tamén neste ámbito, non máis portas pechadas”, denuncian.
A exclusión da Vía de Alta Capacidade (VAC) da planificación que afecta á comarca constitúe, para os socialistas, o maior e máis perigoso dos síntomas. “A Xunta, mentres proclama un gran proxecto vertebrador para A Mariña, deseña unha infraestrutura que ignora por completo ao Vicedo, condenándoo a unha posición periférica no mapa das comunicacións do norte lucense. “Sen boas conexións non hai futuro posible. A mensaxe implícita da Xunta é clara: O Vicedo non conta e non está previsto que conte”, conclúe o grupo municipal.
“O Vicedo merece máis”
“O Vicedo tamén é Galicia e merece respecto, investimento e futuro”, subliña o PSdeG-PSOE, que anuncia a presentación de iniciativas no Parlamento de Galicia, na Deputación e no propio Concello para corrixir de maneira inmediata esta situación e incluír nos Orzamentos de 2026 a reparación integral da LU-862, un plan de saneamento moderno, as actuacións pendentes no peirao, a apertura efectiva do centro de día e a incorporación do municipio na planificación da VAC. “Imos defender O Vicedo con determinación e sen complexos, porque non estamos ante un capricho político, senón ante unha cuestión de dignidade colectiva. O noso concello non pode seguir condenado á irrelevancia por cálculos partidistas ou por silencios cómplices”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
