Dende o Partido Popular lamentan que o Concello de Burela acadase unha débeda de 430.106,85€ a pesar de que o 2024 foi un ano con ingresos récord debido á suba impositiva e de taxas municipais
Burela, 5 de novembro de 2025. Os concelleiros do Partido Popular de Burela recordan que “no Concello de Burela se gasta máis do que se ingresa, a pesar de que non se trata de ningunha novidade”, algo que, tanto o PP como a propia veciñanza, temos que ver como “algo habitual” nos últimos anos polo que preguntan á rexedora “se vai a mudar a súa política económica”.
“Levamos moitos anos denunciando esta perigosa situación, sobre todo, dende que está a fronte da alcaldía a responsable da área económica da Deputación de Lugo, a señora López Moreno, algo que non deixa de ser sorprendente”, explican os populares.
De feito, a maior parte dos veciños veñen de coñecer a través dos medios de comunicación de que Burela é o cuarto concello da Mariña con peor comportamento nas arcas municipais durante o ano 2024. Gastáronse máis de 400.000€ máis dos que se ingresaron en todo o ano – concretametne 430.106,85€ – “infrinxindo así a regra de gasto unha vez máis”.
Os concelleiros populares ven con preocupación como a nivel provincial Burela está case dentro do top-10 con peor comportamento nas arcas municipais. “O Concello de Burela presentou durante o 2024 un comportamento económico que nunca se dera, incluso contando aqueles anos nos que había que devolver a débeda contraída co Concello de Cervo, algo que se tardou moitos anos en devolver”, lamentaron.
Para os populares, esta situación dá boa conta do que a señora López Moreno está a facer cos cartos de toda a veciñanza da vila, pero cun agravante: “nunca tanto se recadara no Concello de Burela, un dato que se deu trala suba impositiva e de taxas municipal, acadando cantidades de recadación que nunca antes se deran e, aínda así, se gastou moito máis do que se ingresou”.
Dende o Grupo Municipal do PP de Burela fan unha reflexión, xa que “todos sabemos o que sucede nunha economía familiar cando se gasta máis do que se ingresa”, unha situación que “semella non importar á señora alcaldesa cando os cartos son de todos os veciños”.
Para os concelleiros populares, o comportamento da señora López Moreno “é moi preocupante porque semella darlle igual” a pesar de ser unha situación da que lle vimos advertindo nos últimos anos e “dende o PP de Burela insistimos as contas económicas do Concello non saen”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
