Ribadeo, 19 de novembro de 2025. En Ribadeo deron comezo as obras do peche perimetral do colexio Gregorio Sanz nas que a Xunta inviste 326.000 euros. O alcalde, Dani Vega, subliña que se trata dun proxecto único en Galicia.
O rexedor confirmou que “deron comezo as obras do peche perimetral do Gregorio Sanz, unha obra que ten unha inversión por parte da Xunta de 326.000 euros. É unha obra fundamental, prioritaria, dado que o peche perimetral estaba todo destrozado, caía por todas as esquinas e, dende logo, había que tomar unha decisión. Todos somos conscientes do gran traballo que fixo a dirección do centro, o gran traballo que fixo a Ampa, teño que recordar tamén á Ampa anterior e á dirección anterior do Gregorio Sanz, porque grazas a elas, grazas tamén a ese traballo conxunto e organizado, as inversións no colexio do Gregorio Sanz son moitas”.
Vega dixo que “evidentemente, a obra máis importante foi toda a remodelación do edificio central, pero tamén este peche perimetral e máis cousas que van dar comezo en moi breve tempo. Creo que esta inversión era moi importante para ter este problema solucionado, non ter problemas con caídas no muro, en puntos xa tivemos que poñer e dotar de seguridade, e desde logo hai que destacar que este peche perimetral é único en Galicia. Por qué? Porque está feito con cilindros de plástico reciclado, é un peche perimetral innovador, que quere convivir co medio ambiente, que se reutiliza o material de plástico que é eliminado, que é apartado e ten unha segunda vida”.
O alcalde recalcou que “é un peche perimetral innovador, único en Galicia un proxecto piloto que se establece en Ribadeo e que a Consellería aprobou e agora se vai facer seguramente que en mais colexios. Ribadeo innova, Ribadeo propón á Consellería e a Consellería acepta esta proposta que creo que é moi acertada. Son 326.000 euros de inversión nun novo peche perimetral. Seguimos investindo no colexio, seguimos investindo no futuro de todo Ribadeo para que avance”.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
