Antonio Ameijide destaca que “grazas á presión dos autónomos e do Partido Popular logrou conxelarse o incremento as cotas anunciado polo Goberno do Estado”, o que sería un novo golpe ao emprendemento, ao comercio local, aos profesionais liberais e a miles de familias que cada mes sosteñen con esforzo a súa actividade económica
Lugo, 19 de novembro de 2025. Os deputados do Grupo Provincial Popular mantiveron unha xuntanza de traballo nas Nogais, reunión na que acordaron defender no vindeiro pleno unha iniciativa en prol da defensa dos autónomos.
O voceiro provincial popular, Antonio Ameijide, destaca que “son un sector chave” dentro da economía lucense, galega e nacional polo que “temos que poñer en marcha os mecanismos de apoio e defensa que sexan posibles dende todas as administracións”.
A moción que defenderán os populares no pleno do martes contempla que a Deputación de Lugo rexeite a política fiscal impulsada polo Goberno do Estado cara aos traballadores autónomos, que nos últimos 7 anos traduciuse nunha crecente carga impositiva, incerteza e falta de estabilidade normativa, algo para o que é preciso “instar ao Goberno de España a cumprir os compromisos adquiridos cos autónomos en 2023, impulsando as reformas pendentes en materia de protección social, pluriactividade, conciliación e simplificación burocrática, e establecendo un calendario claro de seguimento e avaliación de ditas medidas, en diálogo coas principais organizacións representativas do sector”.
A realidade é que o colectivo de autónomos precisa que o Goberno central tamén poña en marcha medidas como aplicar de forma inmediata o réxime de franquía do IVE previsto pola directiva europea, que permite eximir do pago e a presentación de declaracións de IVE aos autónomos e pequenas empresas cunha facturación anual inferior a 85.000€, o que suporía un importante alivio fiscal e administrativo para o colectivo.
Antonio Ameijide recorda a importancia deste colectivo a nivel nacional, xa que en España hai máis de 3.413.000 persoas que cotizan no Réxime Especial de Traballadores Autónomos, moitos deles pequenos comerciantes, hostaleiros, profesionais e emprendedores que sosteñen boa parte do tecido económico e social dos nosos municipios.
Un colectivo fundamental que “o Goberno central quere seguir castigando” algo que, confirmou Antonio Ameijide, quedou patente tralo último anuncio do executivo central de aplicar unha nova subida das cotas que deben abonar os traballadores autónomos á Seguridade Social a partir de 2026 que, segundo a proposta trasladada polo Ministerio de Inclusión, Seguridade Social e Migracións, suporía un aumento nas cotas anuais de entre 200 e 2.500€.
Antonio Ameijide afirma que “non é o momento de castigar máis ao tecido produtivo, senón de acompañar, facilitar e protexer a quen mantén a actividade económica en momentos de incerteza tanto nas grandes como nas pequenas e medianas localidades do noso territorio” algo para o que a Deputación de Lugo “non pode permanecer allea a esta ameaza para tantos veciños e veciñas que son autónomos, e debe expresar de forma clara o seu rexeitamento ao inferno fiscal e burocrático que se inflixiu aos cidadáns desde o Goberno de España e o seu apoio a quen co seu traballo diario sosteñen a economía local”.
O voceiro provincial popular destaca que “grazas á presión dos autónomos e do Partido Popular logrou conxelarse este incremento” que sería un novo golpe ao emprendemento, ao comercio local, aos profesionais liberais e a miles de familias que cada mes sosteñen con esforzo a súa actividade económica.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
