Xove, 19 de novembro, 2025. O Bloque Nacionalista Galego de Xove manifesta a súa preocupación pola falta de transparencia e claridade na reunión informativa convocada por Alcoa con parte dos veciños de Lago e Morás, á que tamén asistiu o alcalde do concello.
Desde a formación nacionalista “preguntámonos cales foron os criterios empregados para seleccionar ás persoas convidadas, tendo en conta que houbo veciños e veciñas de Lago que non recibiron ningunha convocatoria, a pesar de seren directamente afectados”.
O BNG considera especialmente grave que nun encontro no que se abordou unha cuestión de tanta relevancia como a ampliación do embalse de “lodos rojos” , non estivesen presentes todos os residentes que teñen dereito a ser informados e escoitados e “gustaríanos saber si é responsabilidade da multinacional ou do concello que a convocatoria non se fixese extensiva a toda a veciñanza”.
Do mesmo xeito, lembran que a zona de Portocelo tamén dispón dun plan de evacuación, polo que as súas veciñas e veciños deben ser considerados parte afectada e, en consecuencia, teñen que ser incluídos en calquera proceso informativo ou participativo relacionado con dita actividade.
Desde o BNG de Xove “reclamamos transparencia, información veraz e participación real da veciñanza en todas aquelas decisións que poidan afectar á súa seguridade, saúde e calidade de vida. Consideramos imprescindible que quen teña a responsabilidade explique publicamente os motivos polos que excluíu a unha parte da poboación afectada e demandamos ao alcalde que esixa á empresa un proceso comunicativo aberto, plural e rigoroso”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
