Ribadeo, 20 de novembro, 2025. O Concello de Ribadeo, a través do proxecto Ribadeo Cara ao Mar, vén de anunciar unha nova programación de visitas teatralizadas ao Forte de San Damián, unha proposta divulgativa que combina historia, patrimonio e interpretación escénica para achegar ao público a evolución defensiva e marítima da vila dun xeito dinámico e participativo.
As visitas, que terán lugar os días sábado 22 e domingo 23 de novembro, propoñen ao público unha experiencia inmersiva na que guías-actores darán vida a personaxes e episodios históricos vencellados ao forte e á defensa costeira de Ribadeo. A actividade permitirá coñecer non só feitos documentados, senón tamén lendas e curiosidades asociadas a este enclave estratéxico, ofrecendo unha aproximación divulgativa adaptada a todos os públicos.
Os pases desenvolveranse en horarios de mañá e tarde —ás 11:30, 12:00, 13:30, 17:00 e 18:00 horas— e celebraranse no propio recinto do Forte de San Damián, un dos elementos patrimoniais máis relevantes do litoral ribadense.
A participación é gratuita, mais require inscrición previa a través da web municipal: www.fortesandamian.gal/visitas-teatralizadas-2/
Estas visitas forman parte das accións previstas no programa Ribadeo Cara ao Mar para dar a coñecer, poñer en valor e dinamizar o patrimonio marítimo, social e histórico do municipio, favorecendo a súa difusión entre a cidadanía e tamén entre o público visitante.
O proxecto “Ribadeo cara ao Mar” busca poñer en valor o patrimonio marítimo e cultural do municipio a través de accións divulgativas e dixitais. Conta cunha axuda tramitada perante o GALP A Mariña-Ortegal e aprobada pola Consellería do Mar, no marco do FEMPA 2021-2027, cofinanciada pola UE e a Comunidade Autónoma de Galicia.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
