Ribadeo, 20 de novembro de 2025. Ribadeo inicia os traballos para o irmandamento con Tala, a cidade uruguaia na que viviu e morreu o poeta José Alonso y Trelles El Viejo Pancho. Hoxe visita o Concello o Cónsul de Uruguai, Ramiro Rodríguez.
O alcalde, Dani Vega, contou que “hoxe recibimos ao Cónsul do Uruguai, ao que lle agradezo a súa visita. Hoxe iniciamos os traballos do irmandamento con Tala. Xa nos diriximos e falamos co alcalde de Tala. Comeza un traballo moi rigoroso e estrito. Sabemos que o vencello entre Ribadeo e Tala, Tala e Ribadeo, ven a través da figura del Viejo Pancho”.
O rexedor declarou: “quero agradecer a todas as formacións políticas, o traballo conxunto, a dedicación e o respaldo que dan a este irmandamento. Tamén lle quero agradecer ao Cónsul que iniciou este traballo xa cando fixemos todos os actos do Viejo Pancho e agora con este irmandamento poñemos o selo a toda unha a traxectoria, a todo un legado cultural que ten o Viejo Pancho, que nace en Ribadeo, vive e morre en Tala, pero desde logo o legado é para o conxunto”.
Vega considera que “un irmandamento que evidentemente vai coordinar o Concello, que vai coordinar esta Comisión, pero vamos a contar coa opinión de todo o mundo, creo que é de agradecer que o Cónsul sexa un dos primeiros que poña data de inicio con esta comisión organizadora do irmandamento con Tala. Convidamos ao alcalde a acudir a Ribadeo, vamos organizar todo un evento que ten que ver co legado cultural que ten El Viejo Pancho. Os traballos comezan no día de hoxe”.
O alcalde engadiu: “repito grazas ao Cónsul por respaldar, apoiar e traballar conxuntamente con nós, grazas a todas as forzas políticas por entender que este irmandamento é fundamental, é prioritario e creo que con todo o que se fixo durante estes anos de recordar al Viejo Pancho, creo que tamén é moi importante que iso se transforme nun irmandamento entre Tala e Ribadeo, Ribadeo e Tala”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
