O voceiro popular, Javier Castiñeira, denuncia que o rexedor “trasladou información falsa tanto á cidadanía como aos representantes dos clubes e asociacións cos que se reuniu o pasado sábado”
Foz, 24 de novembro de 2025. O Partido Popular de Foz denuncia que o alcalde está enganando deliberadamente á cidadanía sobre o suplemento de crédito que pretende aprobar e reclama unha xestión económica “transparente e responsable”
O voceiro popular, Javier Castiñeira, denuncia que o rexedor trasladou información falsa tanto á cidadanía como aos representantes dos clubes e asociacións cos que se reuniu o pasado sábado. “O pasado sábado foi o primeiro en pedir desculpas e, acto seguido, volveu mentirlles aos representantes dos clubes e das asociacións. Iso é gravísimo”, afirma.
O PP explica que o alcalde está mentindo por motivos moi concretos.
En primeiro lugar, porque di que o suplemento non pode dividirse, cando sabe que é totalmente posible. Segundo Castiñeira, “o alcalde repite que non pode dividir o suplemento de 1,3 millóns, e iso é mentira. Pode facelo pero non quere, porque ao separar os gastos queda exposta a súa xestión: 360.000 euros de 2024 con reparos de intervención e 926.000 euros en facturas sen informar do 2025”.
En segundo lugar, porque está usando aos clubes e asociacións como escudo político. “Dilles que non poden cobrar os convenios e subvencións se non aprobamos tamén as facturas irregulares. Usa ás entidades como presión para tapar os seus erros. Iso é enganar conscientemente á xente”, denuncia Castiñeira.
En terceiro lugar, porque oculta que toda esta situación existe só por culpa do goberno local. Para o PP, o alcalde tamén engana cando culpa á oposición: “Non fixeron os orzamento de 2025, gastaron sen autorización e agora queren que aprobemos todo xunto. E aínda por riba culpan aos demais. Iso tamén é enganar” continúa o voceiro do PP.
E, por último, porque tamén enganou aos empresarios, contratando servizos sen ter crédito para pagalos. Castiñeira destaca outro punto que o alcalde non conta: “Enganou tamén aos empresarios: contratou servizos sabendo que non tiña crédito autorizado para pagalos. E agora dálle a volta e pretender botarnos a culpa ao PP ou ao BNG. Iso é intolerable. Non se pode contratar un servizo e logo non poder pagalo. Iso é enganar e prexudicar directamente ás empresas de Foz”.
TRES BLOQUES DE GASTOS QUE DEBEN SEPARARSE
Tanto o PP como o BNG solicitaron dividir o suplemento en tres partes:
360.000 euros en facturas de 2024 con informes desfavorables e reparos.
926.000 euros en facturas sen informar do 2025.
Subvencións e convenios aos clubes, que o PP defende que se aproben por separado e de inmediato.
O voceiro popular afirma que “mesturar convenios con facturas irregulares é unha fraude política. É enganar á xente a propósito”.
O Partido Popular reitera que está disposto a aprobar no vindeiro pleno, que se celebra mañá, un suplemento específico para pagar as subvencións e convenios pendentes. “Se quere pagar aos clubes e asociacións, pode facelo xa. O que non imos permitir é esconder facturas irregulares detrás deles”, remata Castiñeira
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
