Viveiro, 26 de novembro, 2025. O Centro Comercial Histórico de Viveiro pon en marcha, do xoves 27 ao sábado 29 de novembro, a campaña “O Mellor Black: sen esperas nin sorpresas, mercas e xa o levas”, unha fin de semana de compras con descontos especiais en miles de artigos.
36 negocios con descontos e promocións
Participan 36 establecementos de diferentes sectores, tanto comercio como servizos:
• Moda e calzado
• Complementos
• Deportes
• Moda infantil
• Lencería e mercería
• Ópticas
• Mobles e decoración
• Xoiería
• Salóns de peiteado
A variedade de negocios fai que a campaña resulte especialmente atractiva para quen aposta polo comercio local.
Un plan perfecto para gozar de Viveiro
A iniciativa convida a achegarse a Viveiro, pasear polo casco histórico e desfrutar das compras ao aire libre. A hostalaría local ofrece o complemento perfecto cun café, un viño ou un pincho, mentres a música ambiental do fío musical crea un ambiente especial durante toda a campaña.
Ademais, as compras poden levarse ao momento, sen problemas de abastecemento nin atrasos nas entregas, unha das vantaxes do comercio de proximidade.
Descontos do 20% ao 70%
Os 35 comercios participantes ofrecerán descontos que van do 20% ao 70%, segundo o establecemento e os artigos dispoñibles.
Os locais adheridos estarán identificados con banderolas negras de 2,60 metros situadas nas entradas, facilitando que a clientela recoñeza rapidamente onde se aplican as promocións.
Unha campaña cofinanciada pola Xunta de Galicia
A iniciativa está cofinanciada pola Xunta de Galicia, dentro das axudas destinadas á dinamización dos Centros Comerciais Abertos.
Os locais participantes e as suas promocións son:
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
