“Desde o vindeiro 1 de decembro o centro de saúde contará con cobertura estable e continua nos dous cupos”
Santiago de Compostela, 27 de novembro de 2025. O director xeral de Asistencia Sanitaria do Sergas, Alfredo Silva, remarcou hoxe, na Comisión 5ª de Sanidade do Parlamento, que as dúas prazas de médico de familia do centro de saúde de Xove están actualmente cubertas, garantindo así unha asistencia sanitaria de calidade.
O representante sanitario do Executivo galego subliñou que a área sanitaria de Lugo, A Mariña e Monforte de Lemos contará no vindeiro ano cun investimento de 701 millóns de euros, cun incremento do 3,91 %, que inclúe persoal, funcionamento, material sanitario, farmacia e investimentos.
Na súa intervención no Pazo do Hórreo, o director xeral incidiu no déficit de médicos no conxunto de todo o Estado, competencia que corresponde ao Ministerio de Sanidade arranxar.
O centro de saúde de Xove -explicou o directivo do Sergas- conta con dúas prazas de médico de familia asignadas a 1.378 e 1.365 tarxetas sanitarias individuais, respectivamente. Son cupos que se sitúan por debaixo da ratio de referencia de calidade asistencial, que se sitúa nas 1.500 tarxetas por profesional, polo que Xove están dentro dos estándares de calidade.
Un dos cupos quedou vacante pola xubilación dunha facultativa. Diante disto, e a pesar da falta de médicos, o Sergas garantiu sempre, como mínimo, tres días de cobertura semanal e, nos demais días, reorganizáronse recursos con intersubstitucións, prolongacións voluntarias de xornada e co traballo dos profesionais dispoñibles.
Dese xeito, Alfredo Silva incidiu en que, a día de hoxe, a asistencia está plenamente garantida con dous facultativos e, desde o 1 de decembro, o centro contará con cobertura estable e continua nos dous cupos.
O director xeral rematou a súa intervención sinalando que Galicia seguirá pedido ao Estado máis prazas MIR e reformas estruturais e, mentres o Executivo central non achega solucións ao déficit de médicos, a Xunta seguirá a traballar con rigor, apoiando aos profesionais e garantindo ao 100 % a asistencia sanitaria en cada concello.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
