Exposición de pintura de Elia Amieiro na Taberna Galiana de Mondoñedo

Mondoñedo, 2 de decembro, 2025. Este venres 5 de decembro, ás 17 horas, inaugúrase na Taberna Galiana de Mondoñedo a exposición de pintura de Elia Amieiro. A mostra permanecerá aberta ata o vindeiro 15 de xaneiro.

Elia Amieiro Gómez naceu en Sasdónigas (Mondoñedo). Sendo aínda nena trasladouse con súa familia a As Pontes, e máis tarde a A Coruña e posteriormente a Oleiros. A vida levouna despois a Madrid, de onde regresou hai uns anos para instalarse definitivamente na súa terra. Na actualidade reside en Oleiros.

Moitos lembran a Elia Amieiro como unha pioneira do atletismo feminino. Con 19 anos converteuse na primeira plusmarquista española nos 1.500 metros lisos, cun tempo de catro minutos e cincuenta e dous segundos. En 1969 non só foi campioa de España, senón que o 24 de febreiro apareceu na portada do xornal Faro de Vigo —baixo a dirección de Álvaro Cunqueiro— co titular Campeones gallegos de campo a través, acompañada da súa fotografía xunto á de tres atletas homes.

A pintura é outra das súas grandes paixóns, á que dedicou boa parte da súa vida. Esta exposición é unha mostra do seu traballo artístico, no que a súa terra e as súas orixes mindonienses ocupan sempre un lugar central.