Destacou que Galicia conta cun sistema estruturado e eficaz para protexer os recursos mariños e garantir a legalidade
Santiago de Compostela, 17 de decembro de 2025. A conselleira do Mar, Marta Villaverde, defendeu hoxe no Pleno do Parlamento de Galicia a actuación da Xunta na loita contra o furtivismo e contra a entrada de produtos do mar ilegais, salientando que Galicia conta cun modelo integral, eficaz e referente en Europa, baseado na combinación de vixilancia permanente, coordinación institucional, control da trazabilidade e accións de concienciación social.
Durante a súa intervención, Villaverde subliñou que este modelo permite actuar de maneira ordenada e continua sobre toda a cadea, desde a extracción ata a comercialización, garantindo tanto a protección dos recursos mariños como a seguridade alimentaria.
A titular de Mar puxo en valor o papel de Gardacostas de Galicia, un servizo operativo as 24 horas do día durante todo o ano, con máis de tres décadas de traxectoria, que actúa na protección dos recursos, na loita contra a pesca ilegal, non declarada e non regulamentada e en colaboración coas forzas e corpos de seguridade. Destacou tamén os medios humanos e materiais cos que conta a Xunta, así como o investimento consolidado neste ámbito.
Villaverde salientou a estreita colaboración cos corpos e forzas de seguridade do Estado, e cos gardapescas das confrarías, no marco dunha planificación integral. Neste sentido, lembrou a existencia do Plan de Loita contra a Pesca Ilegal, en funcionamento desde 2009, como instrumento clave para a coordinación e execución sistemática dos controis.
A responsable autonómica referiuse tamén ao papel do Instituto Tecnolóxico para o Control do Medio Mariño (Intecmar), como laboratorio oficial e organismo de referencia en materia de seguridade alimentaria, que mantén unha coordinación permanente con autoridades estatais e portuguesas. Os datos de inspección e análise, indicou, “avalan o rigor e a eficacia do sistema galego de control”.
Ademais, incidiu en que a libre circulación de mercadorías é un principio do mercado único europeo e que a función das administracións é garantir que os alimentos que cheguen ao mercado cumpran a legalidade e que a información ao consumidor sexa veraz. Neste marco, destacou o compromiso da Xunta coa diferenciación e posta en valor da orixe galega.
Concienciación social
Finalmente, a conselleira salientou que a loita contra o furtivismo complétase con accións de concienciación social, como as campañas desenvolvidas nos últimos anos para sensibilizar á cidadanía sobre as consecuencias ambientais, económicas e sanitarias destas prácticas. A conselleira do Mar concluíu reiterando o compromiso do Goberno galego cunha xestión responsable dos recursos mariños, baseada na coordinación institucional, na legalidade e na defensa do futuro da xente do mar.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
