As actividades desenvolveranse entre o 18 de decembro e o 5 de xaneiro
Viveiro, 18 de decembro de 2025. O Concello de Viveiro presenta a programación especial de Nadal deste ano. As actividades desenvolveranse entre o 18 de decembro e o 5 de xaneiro. O calendario inclúe propostas culturais, musicais, deportivas e de lecer, así como actividades dirixidas á conciliación familiar, co obxectivo de ofrecer alternativas para todos os públicos.
Xoves 18
• Último programa do ano da radio «Onda Inclusiva».
• Actuación de fin de curso do CEP Lois Tobío ás 18.00 horas no Teatro Pastor Díaz.
Venres 19
• Apertura do Mercado de Nadal «A trastenda de Nicomedes» ás 17.00 horas na sala multiusos da Casa do Concello.
• Cea de Nadal da Comisión de Festas de Viveiro no Hotel Thalasso Cantábrico Las Sirenas ás 21.30 horas.
Sábado 20
• Proba da Copa Galicia de Ciclocross en Lavandeiras (Celeiro), a partir das 11.00 horas.
• Festival de Nadal da Unidade Pastoral de Viveiro ás 17.00 horas nos Claustros de San Francisco.
• Concerto «Volven os 80» da Banda de Música O Landro ás 20.00 horas no Teatro Pastor Díaz.
Domingo 21
• III Cronoescalada Monte Castelo en Galdo, de 10.00 a 13.00 horas.
• Festival de Nadal de Bágoas da Terra ás 18.00 horas no Teatro Pastor Díaz.
• Inauguración do Belén de Bágoas da Terra ás 20.00 horas na sala de exposicións da Biblioteca Municipal.
Luns 22
• Retransmisión da Lotería de Nadal no Teatro Pastor Díaz, de 9.00 a 12.00 horas.
• Inicio do programa «Divernadal» no pavillón Antonio Tarrío, de 10.30 a 13.30 horas, ata o 26 de decembro (inscrición previa).
Martes 23
• Exposición de cantareiras no Conservatorio, de 11.00 a 14.00 horas e de 16.00 a 19.00 horas.
• Obradoiro de cantigas de Nadal no Conservatorio ás 18.30 horas.
• Concerto de panxoliñas na rúa coa Coral Alborada de Viveiro, de 19.00 a 20.30 horas polas rúas da vila.
• Actuación do grupo Xiró ás 20.30 horas no Teatro Pastor Díaz.
Mércores 24
• Papá Noel visitará Viveiro no seu trineo. Saída ás 17.00 horas desde a explanada da Variante e recepción de nenos e nenas na Praza Maior.
Venres 26
• Concerto de «Música nas parroquias» coa Orquestra Trova da Mariña ás 20.00 horas na Escola vella de Galdo.
• «Santalices» ás 20.30 horas no Teatro Pastor Díaz.
• Inicio do programa «Ocio Nadal Xuvenil» no pavillón Antonio Tarrío e no pavillón dos institutos, de 18.30 a 22.00 horas. Entrada libre sen inscrición. Actividade tamén os días 27, 28 e 30.
Sábado 27
• «Tocan as gaitas polo Nadal» polas rúas de Viveiro cos grupos infantís Ledaina e Abrente de Bágoas da Terra ás 18.30 horas.
• Concerto de panxoliñas da Coral Alborada de Viveiro nas Concepcionistas ás 20.30 horas.
Domingo 28
• Quedada de fin de ano da Peña Lar. Saída da Praza Maior ás 9.30 horas.
• «Máxica-Mente» con Saúde Mental e Jorge ás 18.00 horas no Teatro Pastor Díaz (venda de entradas na taquilla).
Martes 30
• Galicia Magic Fest. Maxia ás 18.00 horas no Teatro Pastor Díaz (venda anticipada en taquilla.com).
Mércores 31 e xoves 1
• Festa de Fin de Ano no Centro Comarcal, organizada pola Asociación de Veciños de Lodeiro.
Venres 2 de xaneiro
• Actuación dos Bolechas «As lamberetadas de Nadal» ás 18.00 horas no Teatro Pastor Díaz.
Domingo 4
• Sorteo do Centro Comercial Casco Histórico de Viveiro ás 21.00 horas na Praza Maior.
Luns 5 de xaneiro
• Cabalgata e visita dos Reis Magos. Saída ás 17.30 horas desde a explanada da Variante, percorrendo a avenida de Ferrol, Navia Castrillón, Praza de Lugo, Travesía da Mariña e avenida de Cervantes, para finalizar na Praza Maior, onde recibirán a todos os nenos e nenas.
A restrición de circulación manterase durante a xornada mentres se desenvolvan os labores, que teñen como obxectivo garantir a seguridade viaria e facilitar a execución dos traballos. Durante este tempo, as persoas que necesiten acceder ás zonas de Santo Albites, Pénjamo ou San Lázaro deberán facelo polo acceso de Río dos Foles. O Concello de Viveiro agradece a comprensión da veciñanza e recomenda extremar a precaución e seguir a sinalización habilitada mentres duren os traballos.
Félix Jorquera pasará polos micrófonos de RadioVoz ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
Comezou o mércores ás 13,35 horas e para a súa extinción mobilizáronse, ata o de agora, 2 técnicos, 10 axentes, 20 brigadas, 17 motobombas, 3 pas, 3 helicópteros e 2 avións. 
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
