Luz verde tamén a diferentes convenios de colaboración por un importe total que supera os 166.000€ coa Asociación Ser, o Club de Piragüismo Cidade de Lugo, a Fundación Xosé Soto Fión e a Comunidade de Usuarios de Santalla de Abaixo
Lugo, 19 de decembro de 2025. A Xunta de Goberno da Deputación aprobou este venres a licitación da rehabilitación de cinco estradas provinciais e a entrada de Lugo pola Fervedoira. Unhas obras que contarán cun investimento conxunto da institución provincial que supera os 630.000€ para mellorar a LU-P-3003, LU-P-3005 e LU-P-4806 ao seu paso por Meira; a LU-P-3108 en Mondoñedo; a LU-P-4104 en Pantón e o primeiro tramo da avenida lucense Adolfo Suárez.
Licitadas en Meira diferentes actuacións por 243.000€ que inclúen a rehabilitación completa do trazado da LU-P-3003, que conecta a vila de Meira coa N-640 por Leiras; a práctica totalidade da LU-P-3005, de Couso a Vilar de Corota; e un tramo de seis quilómetros –desde o punto quilométrico 14,6 ao 20,3- da LU-P-4806, que conecta Vilaxe por Galegos e Vilar de Corota a Ribeira de Piquín.
Os traballos, que terán un prazo de execución de 3 meses, consistirán na reapertura de cunetas, reparación de desperfectos, repavimentación e sinalización vertical.
No concello de Mondoñedo a Xunta de Goberno aprobou a licitación dos traballos da mellora dos dous últimos quilómetros da LU-P-3108, de Viloalle a Figueiras. As obras contarán cun orzamento de preto de 80.000€ e un prazo de execución de tres meses para a reapertura de cunetas, saneo da explanada, reparación de desperfectos e repavimentación.
En Pantón licitadas as obras de mellora da totalidade da LU-P-4104 de Seguín, por Pombeiro, aos Peares. Tamén cun prazo de execución de tres meses e un orzamento que supera os 100.000€ cos que se rehabilitarán os máis de 15 quilómetros da vía. As actuacións inclúen a reapertura de cunetas, saneo da explanada, reparación de desperfectos e repavimentación.
Finalmente, no que ten que ver coas estradas provinciais, quedou aprobada a licitación da renovación do primeiro tramo da avenida Adolfo Súarez, en Lugo. Cun orzamento que supera os 200.000€ e un prazo de execución de tres meses, as obras afectarán ao treito comprendido entre a rotonda coa rúa Serra de Meira e Montero Ríos ata a fin do solo urbano. Os traballos consistirán no fresado do firme, repavimentación con aglomerado en quente, renovación dos servizos, sinalización e balizamento.
Reforzo do tecido asociativo da provincia
A Xunta deu tamén este venres luz verde a diferentes convenios de colaboración con catro entidades da provincia por un importe conxunto que supera os 166.000€.
Dunha banda, acordouse entregar máis de 24.000€ á Asociación Ser, para a elaboración dixital dun libro e mapa da paisaxe cultural e astronómica da Reserva da Biosfera dos Ancares Lucenses. Un material que interpretará a paisaxe patrimonial, identificará, delimitará e divulgará lugares con valor patrimonial e cultural que resulten idóneos para a contemplación do ceo nocturno.
Ao Club Piragüismo Cidade de Lugo a institución provincial achegará 20.000€ para sufragar os gastos da adquisición dun Barco Dragón DB10 de competición e remolque de transporte. Unha embarcación imprescindible para que haxa representación feminina da provincia nas competicións galegas e estatais, xa que o equipo de Barco Dragón do Cidade de Lugo é o único existente no territorio.
Para manter o Ecomuseo do Pazo de Arxeriz, a Deputación dará á Fundación Xosé Soto Fión 94.000 repartido en dúas anualidades. Este espazo integra patrimonio histórico-artístico, arqueolóxico, etnográfico e natural único na Ribeira Sacra, que é un punto de referencia. A achega da institución provincial servirá para sufragar os gastos do persoal necesario.
Finalmente, a Xunta de Goberno acordou que a Deputación achegará outros 27.800€ á Comunidade de Usuarios de Santalla de Abaixo para financiar os gastos derivados da instalación dun adecuado servizo de abastecemento de auga.
Rutas fluviais
A Xunta de Goberno aprobou este venres a prórroga do encargo á empresa pública Tragsa para a prestación do servizo de rutas fluviais en catamarán pola Ribeira Sacra da Deputación de Lugo, por importe de 841.815,67€ e por esta tempada 2026.
Adxudicado o lote 2 de coordinación de seguridade e saúde
Aprobada tamén a adxudicación do segundo lote do contrato para a prestación dos servizos de coordinación de seguridade e saúde nas obras e actuacións do Servizo de Vías e Obras da institución no período 2025-2027. A empresa adxudicataria é Incope Consultores S.L. O orzamento da adxudicación e de practicamente 260.000€ e a duración inicial é de dous anos, con posibilidade de prórroga ata un máximo de catro anos.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
