Viveiro, 20 de decembro, 2025. A campaña de Nadal do Centro Comercial Histórico de Viveiro (CCHV) continúa cun amplo programa de actividades, sorteos e propostas para dinamizar a vila nestas datas festivas.
Calendario de Advento: premios diarios ata o 24
O exitoso sorteo do Calendario de Advento do comercio local segue en marcha ata o 24 de decembro. Ata o momento xa se repartiron 19 premios, entre eles cestas de Nadal, lotes doces, xamóns, produtos de porco celta, caixas de peixe e marisco, tratamentos de beleza e benestar ou décimos de lotería. Cada día entrégase un premio valorado en 100 euros.
A Casita de Papá Noel, do 21 ao 24 na Praza Maior
A tradicional “Casita de Papá Noel”, instalada na Praza Maior, abrirá do 21 ao 24 de decembro en horario de 17:00 a 20:00 horas.
O día 24, Papá Noel percorrerá a vila en cabalgata desde a explanada da Variante ás 17:00 horas ata chegar á Praza Maior, onde recollerá cartas e atenderá as peticións dos máis pequenos.
Os negocios asociados ao CCHV están a repartir 8.000 cartas entre os nenos e nenas, lembrando a importancia de mercar os agasallos no comercio local. Ademais, este ano instalouse un buzón xigante ao carón da Casita para depositar as cartas fóra do horario de apertura.
Un clásico do Nadal en Viveiro
A visita á Casita de Papá Noel é xa unha cita imprescindible para centos de familias da comarca, que cada ano se achegan á vila cheas de ilusión.
Obradoiro de Música Electrónica
Na última semana do ano celebrarase un Obradoiro de Música Electrónica impartido polo DJ e produtor Karras Martínez. Tras o éxito da pasada edición, a actividade repítese para ofrecer aos mozos e mozas a oportunidade de iniciarse na mestura nun ambiente creativo e participativo.
Sorteo de tres soldos de 1.200 euros o 4 de xaneiro
A partir do 26 de decembro comezarán a repartirse as rifas para o sorteo de tres soldos de 1.200 euros, que terá lugar o 4 de xaneiro ás 21:15 horas na Praza Maior.
Este ano o sorteo cambia de dinámica: instalarase unha urna na que o público depositará a parte das rifas coa numeración participante, garantindo así que os gañadores estean presentes na praza. Elimínase o tradicional sistema de extracción número a número.
O evento estará presentado, un ano máis, por Dani Ríos, nunha edición que xa suma trece anos e que se consolidou como un dos grandes momentos do Nadal viveirense.
Tarxetas Regalo do CCHV
Para quen precise ideas de última hora, o CCHV ofrece as súas Tarxetas Regalo personalizadas, válidas en máis de 130 negocios asociados e sempre un acerto seguro.
Aperturas especiais
O comercio local de Viveiro abrirá de maneira extraordinaria os domingos 21 de decembro e 4 de xaneiro, facilitando as compras de Nadal e Reis.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
