Viveiro, 20 de decembro, 2025. O Grupo Municipal Socialista de Viveiro presentou unha proposición aos Orzamentos Municipais de 2026 ao considerar que o documento elaborado polo actual equipo de goberno “carece de ambición, planificación e resposta ás necesidades reais do concello”.
Segundo o PSOE, as contas para 2026 non reflicten o “novo impulso” anunciado tras a moción de censura e manteñen un modelo continuista, sen unha estratexia clara de investimento nin unha planificación a medio e longo prazo.
Principais críticas dos socialistas
O grupo municipal sinala varias deficiencias no proxecto orzamentario:
• Exclusión de clubs deportivos e asociacións que non tiveron subvención nominativa en 2025, o que —advirten— xera desigualdades e debilita o tecido asociativo.
• Ausencia de axudas ás comisións de festas parroquiais e unha partida “insuficiente” para as festas do núcleo urbano, sen criterios equilibrados entre parroquias.
• Supresión de programas socioculturais de referencia, como Superarte, clave para a inclusión social, e a non incorporación da Xornada de Historia e Arqueoloxía Marítima de Viveiro, un evento consolidado e de proxección nacional.
• Escaseza de investimentos reais, recoñecida polo propio goberno local, e unha “dependencia excesiva” de convenios con outras administracións.
O PSOE considera prioritario avanzar en melloras en vías urbanas e rurais, accesos, saneamentos, asfaltados pendentes e actuacións en parroquias “historicamente esquecidas”.
Propostas do Grupo Socialista
O documento presentado polo PSOE inclúe varias modificacións para incorporar aos Orzamentos de 2026:
Partidas específicas para:
• As comisións de festas parroquiais.
• A recuperación do programa Superarte.
• A celebración da Xornada de Historia e Arqueoloxía Marítima de Viveiro.
• O reforzo das subvencións a clubs deportivos e asociacións, con criterios de equidade e transparencia.
Investimentos reais e planificados, entre eles:
• Asfaltado e limpeza das estradas do Xuncal, As Seixas e Albo (Valcarría).
• Actuación pendente en Escourido (Covas).
• Mellora da estrada desde o cruce da LU-P-6601 na Ameixoa ata a subida ao Pombal (Vieiro).
• Reparación da rúa Lavandeiras, en Celeiro.
• Arranxo da vía entre a Fonte de Verxeles e o Tanatorio (Xunqueira).
• Reparación integral da rúa Teodoro de Quirós, no casco histórico.
• Remate do asfaltado da rúa O Paraíso,
Conclusión dos socialistas
O PSOE de Viveiro defende que uns orzamentos municipais deben ser “unha ferramenta para mellorar a vida da veciñanza, fortalecer o tecido social e cultural e avanzar no desenvolvemento do concello”, e non un exercicio de continuidade “sen ambición política”.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
