O goberno local e os socialistas priorizan así o beneficio dos veciños e de Ortigueira, valoran a abstención do BNG e critican que “unha vez máis, Primeiro Ortigueira antepoña os seus intereses partidistas ao ben común”
Ortigueira, 22 de decembro de 2025. Hoxe, luns 22 de decembro, o pleno do Concello de Ortigueira aprobou, cos votos a favor de PP, XA e PSOE, a abstención do BNG e en contra de Primeiro Ortigueira; os orzamentos municipais para 2026, un documento económico que non se puido actualizar desde o ano 2022.
Esta boa noticia é posible grazas á altura de miras mostrada polo goberno local de Ortigueira; encabezado polo alcalde, Valentín Calvín, a concelleira de Facenda, Isabel Rego, e Juan V. Penabad Muras, líder do PSOE de Ortigueira; alcanzando un acordo que permitiu sacar adiante os orzamentos, unha folla de roteiro que ascende a 8,5 millóns de euro. Isto supón un crecemento de máis do 25% e un incremento de 2 millóns de euros con respecto ás últimas contas aprobadas.
Tanto o goberno local como o Partido Socialista priorizan así o beneficio dos veciños e do municipio, valoran a abstención do BNG e critican que “una vez más, Primero Ortigueira anteponga sus intereses partidistas al bien común”. “Hoy han vuelto a demostrar que ni colaboran ni quieren a la villa, solo a su propio ego”, sinalan.
O goberno local considera este pacto “fundamental para la estabilidad del municipio y la ejecución de los proyectos, valorando de forma conjunta cuales son los más prioritarios”. “Los vecinos llevaban meses demandándonos soluciones y, por fin, aquí están”, afirman.
Investimentos por máis de 3 millóns de euros
No orzamento establécense actuacións e investimentos, a pedimento de Muras, por un valor de máis de tres millóns de euros, que se irán executando de forma progresiva. Ademais, tamén se estima un millón de euros en posibles ingresos municipais extraordinarios. Ditas investimentos chegarán a todas e cada unha das parroquias e crearase unha comisión de seguimento para ir actualizando o estado de execución.
No referente á zona de O Viso e arredores, procederase ao aglomerado en quente e pintado nas pistas de O Pocello, Callobre, As Painceiras, O Aro e os ramais á pista polideportiva e centro da parroquia. Así mesmo, construiranse beirarrúas no núcleo de O Viso.
Na área de Céltigos e Loiba, levará a cabo o aglomerado en quente da pista de Céltigos (estrada da Deputación cara ás praias de Loiba) e o proxecto de mellora da pista de Céltigos desde Mazorgán a Loiba. En Espasante, executarase a obra de reforma da rúa Areal, Rúa Sol e a estrada da igrexa de San Xoán, deixando os pavimentos ao mesmo nivel. Tamén se preparará un novo espazo de equipamento en Ou Juncal que incluirá aparcamento de vehículos, punto de descarga e estacionamento de caravanas, pistas deportivas, zona verde e edificacións; isto incluirá a negociación coa Confraría de Mariscadores e Pescadores e co Estado para a adquisición do inmoble para a súa derriba, reforma de espazos e usos.
Ademais, aglomerarase a pista de Espasante a Céltigos.
En Ladrido realizaranse diversas obras, incluíndo un parque infantil na área recreativa, cunetas remontables no núcleo urbano e a súa continuación na estrada Ladrido–Espasante, así como a instalación de biondas de protección nesa mesma estrada (continuación das xa existentes en sentido Espasante sobre o cantil). Tamén se acometerá a obra da depuradora de Ladrido.
Para a zona do Baleo e Couzadoiro, as obras inclúen a ponte sobre o río Tiroteo no lugar de Souto e o aglomerado en quente a todas as vivendas. Aglomerarase desde A Ponte Vella do Tiroteo a Barbos e o vial a San Salvador de Couzadoiro. Por outra banda, farase o aglomerado en quente e pintado da pista de Quintá á Venta.
No ámbito urbano e escolar, executarase o proxecto de ampliación e mellora de circulacións e espazos de estacionamento na contorna do CEIP José María Lage, Escola de Música e Biblioteca Municipal. Na zona da Magdalena, realizarase o aglomerado en quente e pintado das rúas e do acceso de baixada a Ou Eucalipto, incluíndo cunetas de formigón remontables, e construirase un espazo para reunións veciñais e outros usos no aparcamento.
No referente ao litoral e infraestruturas viarias, executarase o proxecto de iluminación LED desde o porto de Ortigueira a Moutón, extensivo a todo o barrio, e o proxecto de senda peonil e carril bici na estrada DP desde Luama ao núcleo de Santa Marta (mediante convenio coa Deputación). Tamén se mellorarán e repoñerán os elementos de madeira do paseo do litoral.
Na parroquia de Cuiña procederase á compra dunha parcela para aparcamento de equipamento á beira do centro social e outra para aparcamento na igrexa parroquial. As obras inclúen o aglomerado en quente e pintado da pista de O Lagar á Clara e das pistas de Nogueirido, A Preta, Barral e Pormellor, así como a mellora do escolar de Cuiña coa construción de baños accesibles ao nivel da pista polideportiva.
No ámbito deportivo e de lecer, poñeranse en valor os espazos relacionados coa festa cabalar no lugar de Souto de San Marco e a pista de trote en Ferreiroas, así como a construción dun complexo deportivo de alto rendemento nos espazos anexos ao campo de fútbol de San Claudio.
Noutras intervencións viarias, realizarase o aglomerado en quente e pintado das pistas de O Reto e de Voar, e da pista anexa ao río Mera desde a ponte ao área recreativa de O Peago. Mellorarase a xardinería, pavimentos, paramentos e mobiliario urbano no cruzamento de Cariño anexo á ponte do río Mera. Tamén se farán obras de mellora na pista Subsaido ao límite coa parroquia de Mera de Abaixo, e aglomerado en quente, pintado, cunetas e atarjeas na pista da Casanova, xunto co aglomerado e pintado de O Zapateiro.
En Serantes e Veiga, ampliarase a rede de saneamento desde Serantes a Leixa, instalaranse bases para contedores (reparando os existentes en toda a parroquia) e redactarase o proxecto da depuradora de San Adrián de Veiga.
Finalmente, en Devesos, xestionarase a compra dunha parcela para aparcamento á beira do cemiterio parroquial e ampliarase o aparcamento anexo ao centro social. As obras viarias inclúen o aglomerado en quente e pintado da pista de Gocende de Abaixo ata o límite co concello de Mañón (lugar de O Candedo), e a execución de cunetas remontables, aglomerado e pintado na pista circular da igrexa e cemiterio. Tamén se executarán os proxectos para a cubrición da pista polideportiva de Devesos e para a apertura dun vial circular desde o santuario de Portas á ponte de Penavide.
Ademais, instalarase iluminación LED e colocaranse bases de contedores en todas as parroquias.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
