O vindeiro venres, día 17, cúmprese o 527 aniversario dun fito que prevalece, non só no arquivo histórico, pola transcendencia que tivo no devir da nosa terra, senón tamén na memoria popular, por tradición oral e posto que foi, ó longo dos tempos, motivo que inspirou a poetas e trovadores, a músicos, historiadores e estudosos. Cantouse en feiras e mercados e representouse no teatro…Falamos da prisión e morte de Pardo de Cela. Sabido é que éste foi acaso o persoeiro mais controvertido da historia medieval de Galicia e non seremos nós quen faga xuizo de valor algún sobre a súa personalidade. Só nos interesa que o seu recordo non esmoreza porque para cantos vivimos nos pobos da que demos en chamar “ruta Pardo de Cela” a súa vida, venturas e desventuras teñen un engado singular.O historiador B.Vicceto, tras un longo preámbulo no que describe a situación social e política de Galicia, conta cómo os reis Católicos enviaron a Galicia a Chinchilla e Acuña, en 1480, para “facer xustiza neste reino”; chegados a Santiago, “xuntaron cortes” e formada causa ó Mariscal dictaron sentencia: confiscarlle os bens, e morte a garrote. Faltaba apoderarse da súa persoa, labor que encomendaron ó capitán Mudarra.que ata finais de 1483 non puido cumprir a misión.Ignórase os lances de armas habidos neses tres anos, pero sábese que a finais do último estaba o mariscal só na Frouseira.Nela pechouse tal vez esperando a axuda de amigos e aliados ou só disposto a vender cara a vida. Ubicada a fortaleza nunha outa e escarpada rocha de difícil acceso; Mudarra, impaciente, emprendeo o asalto: foi un erro porque morreron moitos dos seus soldados e o resto fuxíu en retirada.Deberon ser moitas as mortes porque existe un documento no arquivo do cabido de Mondoñedo, según o biógrafo Rebellón, no que Ruy Pèrez, coetáneo dos feitos, declara que vivíu en San Martiño, e testemuña que Mudarra deixara certa cantidade de maravedises para fundación e altar de Santa Catalina e unha función os primeiros luns de cada mes polas almas de cantos morreran e se enterraran sobre o cerco daquel forte…Sirva o que antecede de mínima lembranza..
Suso Fernández
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
