Os deputados populares lograron a aprobación dunha moción para reprobar a José Tomé, denunciado na canle interna do PSOE por presuntos acosos sexuais, e a Pilar García Porto, Lara Méndez e José Ramón Gómez Besteiro, por encubrir os casos
Lugo, 30 de decembro de 2025. Os deputados do Grupo Provincial Popular acadaron a reprobación, co apoio do BNG, de José Tomé, denunciado na canle interna do PSOE por presunto acoso sexual, Pilar García Porto, Lara Méndez e José Ramón Gómez Besteiro, por encubrir os casos.
O voceiro do Grupo Provincial Popular, Antonio Ameijide, destacou, en primeiro termo, “o noso apoio ás mulleres vítimas de calquera tipo de acoso ou agresión sexual e, concretamente, ás mulleres que presuntamente foron vítimas do que ata hoxe ostentaba a presidencia desta institución”, ao que engade que durante o pleno de hoxe “constatamos como senón se chegan a facer públicos os casos de presunto acoso nunha canle de televisión, nunha se tería actuado no PSOE, tal e como recoñeceu Pilar García Porto durante o pleno”.
“Estamos aquí para reprobar a conduta de quen se aferra a seguir formando parte da Deputación e de quen tentou tapar todo, e podémolo dicir con nomes e apelidos: José Tomé Roca, acusado de presuntos acosos sexuais por varias mulleres, tocamentos, insinuacións, mensaxes inapropiadas…ata de ofrecer postos de traballo público a cambio de sexo; Pilar García Porto, Lara Méndez López, e o líder do socialismo galego, José Ramón Gómez Besteiro”, sinalou.
Antonio Ameijide afeou a Tomé que “sempre presumiu de que ía traer a normalidade democrática á Deputación de Lugo, que era a persoa que ía dignificar a política e a traballar con honestidade dende a presidencia, pero dignidade parece que é o adxectivo máis afastado da conduta de José Tomé á fronte desta institución”.
Ademais, “cómpre reprobar a actitude dos encubridores” porque, recordou o voceiro popular, “cambiaron ata en catro ocasións de versión” pasando de que “nun primeiro momento non sabían nada ata, finalmente, recoñecer que o sabían e que ata mantiveran xuntanzas con familiares dalgunha das vítimas”.
Unha actitude que afean os populares que tamén denuncian que “queda claro que José Tomé segue máis activo que nunca dentro do PSOE, non só o manteñen á fronte do Concello de Monforte, senón que tamén lle entregaron a cadeira que historicamente ocuparon os voceiros socialistas, deixando claro que vai a seguir sendo o presidente na sombra”.
FORMACIÓN DO NOVO GOBERNO PROVINCIAL
O voceiro popular tamén se dirixiu aos representantes do BNG e preguntoulles “se van a sentarse a negociar a formación dun novo goberno co Pilar García Porto, unha das encubridoras, e se van a aceptar o voto de José Tomé para manter a vicepresidencia da Deputación”.
Durante a súa intervención, Ameijide tamén preguntou aos deputados do BNG “por que non romperon o goberno provincial e se nas próximas semanas van a pesar máis os cargos ou o feminismo”.
Neste senso, o popular explicou que durante estas tres semanas “a Deputación quedou manchada por condutas absolutamente deleznables, polo que a única forma de limpar unha mancha é quitala, é dicir, retirar o que produce esa mancha”.
Neste senso, dende o Grupo Provincial Popular preguntan aos responsables do BNG “como van a mirar á cara das mulleres e homes que os votaron, mentres pactan con presuntos acosadores sexuais e con quen recoñeceu hoxe publicamente que o sabía todo e non fixo nada ata que saíu na televisión”.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
