Trabada, 9 de xaneiro de 2026. O alcalde de Trabada, Rubén García, e a concelleira do equipo de goberno, Lupe Rego, anunciaron a execución dunha actuación de mellora integral no local do Teleclub da parroquia de Sante tras realizar unha visita ao propio inmoble para comprobar o seu estado actual e as necesidades existentes.
O proxecto contempla actuacións destinadas a mellorar a accesibilidade, coa instalación dunha rampa exterior e dunha nova barandilla. Ademais, levarase a cabo unha reforma tanto no exterior como no interior do local, que inclúe a substitución do chan e do falso teito, o pintado interior e exterior, a renovación das luminarias e outras melloras co obxectivo de modernizar e poñer a punto as instalacións.
Esta actuación será posible grazas a un convenio asinado polo alcalde de Trabada coa Deputación de Lugo, que permitirá financiar o proxecto cunha achega de 50.000 euros. O orzamento total da intervención ascende a 51.432,75 euros, asumindo o Concello a diferenza con fondos propios.
Desde o goberno municipal destacan que esta intervención se enmarca na liña de traballo que o Concello de Trabada vén desenvolvendo nos últimos anos, centrada na mellora dos espazos e infraestruturas de uso público nas parroquias, especialmente aqueles que acollen actividades sociais, culturais e veciñais organizadas polas propias asociacións locais.
O alcalde, Rubén García, sinalou que “os locais sociais son espazos fundamentais para a convivencia e a dinamización das parroquias, polo que é prioritario garantir que conten con instalacións accesibles e en boas condicións”. Pola súa banda, a concelleira Lupe Rego destacou “a importancia de seguir apostando pola mellora destes espazos para facilitar o desenvolvemento das actividades veciñais e reforzar a vida comunitaria”.
Con esta actuación, o Concello de Trabada reafirma o seu compromiso coa mellora das infraestruturas municipais e co apoio ao tecido asociativo local, contribuíndo a fortalecer a cohesión social e a calidade de vida da veciñanza.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
