Néstor Rego avanza o rexistro de iniciativas nas Cortes do Estado para garantir un servizo de Correos público e de calidade no Valadouro: “o Goberno ten a obriga”
Madrid, 9 de xaneiro de 2026. O Bloque Nacionalista Galego reclama ao Goberno do Estado medidas urxentes para garantir un servizo de Correos público, de calidade e axeitado ás necesidades no concello do Valadouro. O deputado do BNG no Congreso, Néstor Rego, anuncia o rexistro de iniciativas nas Cortes do Estado, nomeadamente no Congreso, para que o executivo estatal actúe frente á situación de deterioro que sofre o servizo postal na localidade.
Néstor Rego sinala que a redución continuada de persoal e de medios na oficina de Correos do Valadouro está a provocar atrasos no reparto e dificultades crecentes para a veciñanza, especialmente para unha poboación avellentada que depende en gran medida deste servizo público para recibir comunicacións administrativas, sanitarias e documentación oficial. O deputado do BNG lembra que as competencias en materia de Correos corresponden exclusivamente ao Goberno do Estado, polo que “resulta inaceptábel que non se garanta o cumprimento efectivo do Servizo Postal Universal no rural galego”.
O deputado nacionalista advirte tamén de que as últimas decisións adoptadas polo executivo estatal, así como o marco normativo vixente, afondan nun modelo que penaliza os concellos rurais, reduce cadros de persoal e precariza as condicións laborais das traballadoras e traballadores de Correos. Rego incide en que este camiño supón unha perda de calidade do servizo e un paso máis cara a procesos de liberalización e privatización encuberta, frente aos que o BNG mantén unha oposición firme e constante.
“Defendemos manter Correos como Servizo Postal Universal de carácter público, con presenza efectiva no territorio e cunha atención digna á cidadanía” afirma Rego, mentres exixe ao Goberno que dea marcha atrás aos plans de desmantelar o servizo e insiste tamén en que o abandono institucional do rural ten consecuencias directas na vida diaria das persoas.
Pola súa parte, o portavoz municipal do BNG no Valadouro, Eduardo Chao, lembra que o BNG tamén presentou unha moción no Concello do Valadouro, aprobándose pola unanimidade do pleno municipal, coa finalidade de reclamar a dotación de persoal e recursos suficientes na oficina de Correos e de amosar o apoio ás traballadoras e traballadores que están a soportar unha sobrecarga de traballo derivada da falta de efectivos.
Eduardo Chao destaca o traballo coordinado do BNG en todas as institucións, subliñando que a defensa dos servizos públicos no Valadouro realízase tanto desde o ámbito municipal como desde as Cortes do Estado. “Só cunha actuación firme e coherente, desde o local até o estatal, se poden frear os recortes e garantir dereitos á veciñanza do rural” afirma.
Néstor Rego e Eduardo Chao están acompañados por Eliseo Teijeiro, concelleiro do BNG; Daniel Castro, deputado do BNG no Parlamento de Galiza; Daniel García, deputado do BNG provincial; Antonio Veiga, responsable comarcal do BNG; así como por veciños e veciñas do Valadouro, que amosan o seu apoio ás reivindicacións formuladas polo Bloque Nacionalista Galego.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
