A denuncia apunta a unha ocupación de máis de 120.000 m², posibles afeccións a patrimonio protexido e dúbidas sobre a imparcialidade das inspeccións
A Maiña, 14 de xaneiro, 2026. A Asociación para a Defensa Ecolóxica de Galiza (ADEGA), en colaboración con Mariña Patrimonio, presentou unha denuncia perante a Fiscalía Provincial de Lugo por posibles irregularidades na actividade da canteira da Trindade, situada entre Mondoñedo e Lourenzá. Tras a apertura de dilixencias, a Fiscalía decidiu trasladar os feitos ao ámbito xudicial mediante a interposición da correspondente denuncia ou querela.
Segundo ADEGA, esta decisión evidencia que existen indicios de delito suficientes como para que o caso sexa investigado pola vía xudicial, o que permitirá un exame con maiores garantías e baixo control xudicial tanto da actuación da empresa explotadora como das administracións competentes.
A explotación ocuparía dez veces máis superficie da autorizada
A denuncia sinala que a canteira estaría ocupando unha superficie moi superior á avaliada e autorizada inicialmente. A Declaración de Efectos Ambientais de 1997 limitaba a actividade a uns 12.100 m², pero documentación administrativa posterior e medicións achegadas polas entidades denunciante indican que a área afectada podería superar os 120.000 m².
Ademais desta ampliación non autorizada, solicítase investigar outros posibles incumprimentos:
• Movementos de terra e labores fóra do perímetro autorizado.
• Afeccións a bens patrimoniais e ámbitos protexidos, incluídos elementos catalogados e as súas contornas.
• Ocupación ou afección de vías públicas próximas á explotación.
Dúbidas sobre a imparcialidade das inspeccións
Outro dos puntos sinalados por ADEGA e Mariña Patrimonio refírese ás inspeccións realizadas pola administración mineira. Parte delas foron efectuadas por Juan Carlos Morán del Pozo, enxeñeiro técnico de minas e funcionario da Xunta. Nesa mesma etapa, segundo información pública do Colexio de Enxeñeiros Técnicos de Minas de Galicia, Morán del Pozo exercía como decano-presidente da entidade, mentres que o director técnico da canteira, Atanasio Peña Álvarez, figuraba como vicepresidente.
Para as entidades denunciantes, esta coincidencia de cargos pode afectar á percepción de imparcialidade do control exercido sobre a explotación, especialmente tendo en conta que, segundo a documentación revisada, esas inspeccións non derivaron en sancións nin en medidas para restaurar a legalidade.
Disposición a colaborar
ADEGA reiterou a súa disposición a achegar toda a documentación e información necesaria para o avance da investigación.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
