Ribadeo, 14 de xaneiro de 2026. Ribadeo contará con 6 vivendas públicas no casco histórico, que serán destinadas ao alugueiro a persoas menores de 36 anos. Estarán situadas nos números 2 e 4 da rúa Bispo Veres e no 32 de Trinidade. A Xunta investirá na rehabilitación destes inmobles 2,3 millóns de euros a través do Plan Rexurbe. As empresas interesadas poden presentar as súas ofertas no perfil do contratante ata o vindeiro 19 de febreiro.
O alcalde, Dani Vega, sinalou que “na rúa Trinidade son dúas vivendas e en Bispo Veres son catro, que teñen vistas directamente á ría de Ribadeo e ao casco histórico, a todo este entorno no que nos atopamos. Si temos un concepto inversor, que o temos, si temos clara a vivenda, que a temos, e non quedarnos aquí senón traballar como estamos traballando no Concello para buscar posibilidades e construír vivenda, niso estamos e imos conseguilo”. E subliñou: “son dous obxectivos que nos tiñamos marcado como goberno e dúas respostas que lle estamos a dar á cidadanía cumprindo, que é como se deben facer as cousas”.
O rexedor agradeceu os investimentos realizados pola Consellería de Vivenda e Planificación de Infraestruturas en Ribadeo. No acto tomou a palabra a titular deste departamento, María Allegue, que dixo que “o proxecto xa está colgado no perfil do contratante para que as empresas poidan presentar as súas ofertas”. E indicou que “esas 6 vivendas serán adxudicadas en réxime de alugueiro a inscritos no rexistro de demandantes do Concello de Ribadeo, coa peculiaridade de que terán preferencia os menores de 36 anos”. Allegue engadiu: “queremos revitalizar os cascos históricos e dinamizalos”.
A proxectista da actuación, Lucía Fernández, explicou en qué consistirán os traballos de rehabilitación destes tres inmobles, os materiais que se empregarán e a distribución e os espazos cos que contarán esas seis vivendas.
A esta visita acudiron tamén o director territorial da Consellería de Vivenda en Lugo, Marco Antonio Piñeiro, así coma as concelleiras Marta Saiz, Elena Sierra e Montse Seijo e o concelleiro Francisco José Silvent.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
