Ribadeo, 16 de xaneiro, 2026. O grupo municipal do BNG de Ribadeo volveu solicitar ao goberno local unha intervención inmediata na pista que pasa polo Valín, en Ove, debido ao seu “lamentable estado” e ao perigo que supón para as persoas usuarias. A formación nacionalista subliña ademais que se trata dunha vía moi transitada ao coincidir co trazado do Camiño de Santiago.
O concelleiro do BNG, Martín Graña, explicou que o grupo ten que “volver pedir ao goberno municipal” unha actuación canto antes nesta pista, situada en pleno Camiño de Santiago, pola “terrible situación” na que se atopa. Segundo indicou, o seu estado actual representa “un verdadeiro perigo” tanto para quen circula a pé como para quen o fai en vehículo.
Graña lembrou que o BNG xa denunciara esta situación en marzo de 2024, tanto nas redes sociais como mediante un rogo no pleno, pero “case dous anos despois o goberno do PP non foi quen de poñer ningún remedio”. Engadiu que mesmo chegaron a atopar que os veciños tiveron que colocar botellas de plástico para sinalar onde remata a pista e evitar saírse dela.
Por todo isto, o BNG de Ribadeo solicita unha vez máis que o goberno municipal “se poña a traballar” e dea solución a un problema que, segundo destacan, padecen diariamente tanto veciños como visitantes.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
