Antonio Ameijide explica que “máis aló de calquera orientación política, o que temos claro é que neste eido temos que unirnos todos na defensa dos intereses dos nosos veciños, porque non podemos permitir que se vexan agraviados co acordo que vai a asinar o Goberno central”
Lugo, 16 de xaneiro de 2026. Os deputados do Grupo Provincial Popular defenderán no vindeiro pleno unha iniciativa para que “todos os grupos da man realicemos unha defensa férrea do sector primario da nosa provincia e dos seus intereses”.
O voceiro popular”, un acordo que no PP buscarán tanto na Deputación como no Concello de Lugo.
Neste senso, Ameijide recorda o anuncio realizado onte pola presidenta da Deputación, Carmela López, que dixo comprometer co sector “medidas de apoio, pero sen aclarar cales”. “Vimos como o luns o secretario xeral do PSdeG dicía que o acordo co Mercosur era moi positivo para os galegos, pero agora a nova presidenta da Deputación semella emendar as súas palabras”, explicou.
Ante esta situación, o voceiro popular insiste en que “neste asunto temos que ir todos da man e mirar máis aló das ideoloxías, temos que mirar polo ben dos nosos veciños e defender os seus intereses, porque as condicións das que se fala son inasumibles para o sector”.
O acordo que defenderán os deputados populares contempla esixir ao Goberno de España que protexa o sector primario, defenda as cláusulas de salvagarda no acordo de libre comercio entre a Unión Europea e Mercosur ante posibles ameazas e garanta e intensifique os controis de fronteira co fin de que os produtos agroalimentarios de terceiros países que pretendan comercializarse no mercado comunitario cumpran os mesmos estándares de calidade, sanidade e benestar animal que os esixidos na Unión Europea; así como instar á Xunta de Galicia a reclamar ante o Goberno central estas peticións e a seguir intensificando as medidas de apoio ao sector primario, especialmente no ámbito da sanidade animal, a prevención de enfermidades, as compensacións por perdas e o control da fauna salvaxe que afecta ás explotacións.
Antonio Ameijide explica que “tamén é necesario facer unha fronte común para reclamar unha nova Política Agraria Común con fondos suficientes e diferenciados, que permita asegurar as axudas directas a gandeiros e agricultores para promover a remuda xeracional e, ao mesmo tempo, asegurar un adecuado desenvolvemento rural”.
Para o voceiro popular “é fundamental” acadar un acordo xa que ante a próxima sinatura do acordo comercial entre a Unión Europea e o Mercosur, que está xerando reivindicacións e manifestacións de gandeiros e agricultores en toda España, tamén en Galicia, “temos que ser consecuentes e defender os intereses do noso sector primario”.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
