Ribadeo, 22 de xaneiro, 2026. A Plataforma Polas Nosas Árbores cuestiona a decisión de derrubar por completo o peche perimetral do C.P. Gregorio Sanz, unha vez iniciadas as obras e coñecidos os primeiros detalles do proxecto. O colectivo pregúntase por que non se valorou a rehabilitación parcial do muro existente, tendo en conta que máis do 60% dos módulos e piares prefabricados se atopaban en bo estado e que o murete de base, de ladrillo dobre e morteiro, estaba íntegro e só precisaba pequenas reparacións.
A plataforma considera que debería terse realizado un estudo técnico-económico previo que permitise comparar a rehabilitación co custo dun peche completamente novo. Ao seu xuízo, repítese o patrón doutras actuacións recentes: optar por derrubar e construír de cero en lugar de apostar por solucións sostibles e de menor impacto ambiental.
O colectivo critica tamén o sistema elixido, baseado nun muro de formigón armado e postes de plástico macizo unidos con varas de aceiro, unha solución que consideran máis cara, menos sostible e máis complexa de reparar en caso de rotura. Engaden que o peche antigo non presentaba colapsos nin riscos, ao contrario do que se difundiu nalgúns medios.
Como alternativa, propoñen un peche de madeira tratada —castiñeiro, carballo ou piñeiro— combinada co murete existente, unha opción renovable, local, máis económica e de fácil mantemento.
A Plataforma lembra que un proxecto deste tipo debería ser presentado ao profesorado, ás ANPAS e ao alumnado, fomentando a participación da comunidade educativa. Subliñan que non se opoñen á mellora do peche, senón ao uso ineficiente de fondos públicos e á falta de criterios de sustentabilidade. Finalmente, lamentan a tala de árbores que acompañou o inicio das obras, que consideran innecesaria.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
