Marta Rouco lamenta que a rotonda, de titularidade autonómica, leve meses sen iluminación completa pese ás reiteradas reclamacións do Concello
Vilalba, 23 de xaneiro, 2026. A alcaldesa de Vilalba, Marta Rouco, denunciou unha nova mostra do “desprezo e abandono” da Xunta de Galicia cara ao municipio, neste caso en relación coa glorieta de acceso ao polígono industrial de Vilalba, unha infraestrutura clave tanto para a actividade económica como para a entrada ao casco urbano e da que é titular o goberno autonómico.
Segundo explicou a rexedora, a glorieta leva meses cunha iluminación claramente deficiente, con varias farolas fundidas, o que supón un problema de seguridade viaria nun dos principais accesos á vila. “Desde o Concello enviamos múltiples escritos á Xunta de Galicia reclamando que se restableza a iluminación da rotonda, sen obter unha resposta eficaz”, indicou Rouco.
A alcaldesa lembrou que, nos meses de outubro e novembro, recibiu unha chamada desde a Consellería competente na que se lle trasladaba que se ía proceder á reparación das luminarias. “A realidade é que, das 10 farolas existentes, só se arranxaron 3. O resto seguen sen funcionar”, explicou.
Segundo a información trasladada ao Concello, a empresa encargada dos traballos remitiu un orzamento á Xunta para poder acometer a reparacióncompleta, xa que é necesario volver cablear varias luminarias, “pero a resposta da Xunta foi, literalmente, deixala como está”.
“Estamos a falar dunha rotonda de acceso ao polígono industrial e ao casco urbano, un punto estratéxico que debería estar perfectamente iluminado, tanto por seguridade como pola imaxe que proxecta Vilalba”, subliñou Marta Rouco.
A esta situación súmase, ademais, outra demanda trasladada pola alcaldesa hai máis dun ano á Xunta de Galicia: a adecuación estética da glorieta coa colocación dalgún elemento ornamentario que permita ofrecer unha imaxe máis coidada e amable nunha das principais portas de entrada á vila.
Para a rexedora vilalbesa, este episodio “é un exemplo máis da forma de actuar da Xunta de Galicia con Vilalba”, que se suma a outros agravios xa denunciados publicamente, como a situación de abandono da estación de autobuses ou o incumprimento do convenio para a mellora da estrada de acceso a Vilalba desde Lugo e das beirarrúas desta contorna.
“Falamos de infraestruturas da súa titularidade, de competencias claras da Xunta, e dunha deixadez constante que transmite unha mensaxe moi clara: Vilalba non é unha prioridade para o goberno galego”, afirmou Rouco. “Desde o Concello seguiremos reclamando o que nos corresponde e defendendo os intereses da nosa veciñanza, aínda que iso supoña ter que denunciar unha e outra vez esta falta de compromiso”, concluíu a alcaldesa.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
