Foz, 23 de xaneiro de 2026. O alcalde, Fran Cajoto, e a subdelegada do Goberno en Lugo, Olimpia López, presidiron onte, xoves, unha reunión da Xunta Local de Seguridade, na que se analizou o dispositivo de seguridade para o Entroido.
Desde a Subdelegación do Goberno informaron dun descenso do 8% no número de infraccións penais en 2025 respecto ao ano anterior, situándose Foz cunha taxa de seguridade superior á da media provincial.
Na reunión participaron efectivos da Garda Civil, Garda Civil de Tráfico, Bombeiros, Policía Nacional, Policía Local e Protección Civil. “Quero agradecer á subdelegada, e especialmente ás forzas e corpos de seguridade, o traballo e esforzo que fan durante todo o ano. A colaboración do parque comarcal de Bombeiros e dos distintos corpos da Garda Civil co Concello de Foz é continua e debémoslles moito, especialmente en situacións de emerxencia ou alerta meteorolóxica como estamos a vivir estes días”, indica o alcalde.
Fran Cajoto informou da incorporación dun novo axente de Policía Local, que comezou a súa formación na Axencia Galega de Seguridade Pública e que fará prácticas este verán, completando a plantilla disposta na RPT do Concello (8 axentes e xefatura). Tamén pediu “na medida do posible, un aumento do plantel da Garda Civil, que conta cun total de 16 efectivos. Foz é o segundo concello por poboación da comarca, o que máis medra da Mariña, e triplicamos os habitantes en verán. A pesar do esforzo que fan o capitán e o sarxento, precisamos dunha dotación maior, especialmente nos meses de xullo e agosto”.
O alcalde de Foz tamén explicou que “na reunión preparatoria do operativo de seguridade do Entroido 2026, na que participaron tamén os concelleiros Inés López e Ángel Fernández, a técnico de Cultura, representantes da empresa de prevención, da empresa organizadora e da seguridade privada contratada, analizáronse pormenorizadamente os distintos eventos que compoñen o programa do Carnaval focense, con especial atención posta na cea de coroación e no gran desfile e posterior baile do sábado día 14. Os asistentes á reunión recibiron unha información completa da programación e aportaron suxestións que serán incorporadas ao dispositivo, como a recomendación de que os asistentes ao desfile do día 14 adianten a súa chegada á vila para evitar retencións de tráfico”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
