Burela, 31 de xaneiro, 2026. A de hoxe foi unha xornada memorable para a maioría das xogadoras do Reyco Burela FS, que disputaron a súa primeira Supercopa de España, á que accedían como campioas da Copa da Raíña 2025. Enfronte tiñan ao rival máis esixente posible, o Melilla Ciudad del Deporte Torreblanca, nun encontro celebrado ás 14:30 horas (hora peninsular) no pavillón Las Torres de Adeje, en Tenerife.
Excepto Cris Blanco e Ana Eliza, campioas da Supercopa 2024, ningunha das xogadoras participara antes nesta competición, polo que a cita podía ser unha oportunidade única. O equipo de Belén Feal, consciente da dificultade do reto pero tamén do valor da experiencia, viaxou a Tenerife con ilusión e co obxectivo de competir con orgullo.
Ademais, o encontro deixou o debut de Lari, que entrou ao partido no minuto 34.
Un inicio eléctrico e dúas sorpresas laranxas
O Burela comezou presionando e avisando moi cedo: aos 20 segundos, Sandra roubou e disparou obrigando a Arcas a intervir. Pouco despois, Irene Samper tivo outra ocasión tras unha deixada de Emilly. A resposta do Melilla chegou cunha gran parada de Ana Eliza ante Ana Luiza, acción que deu paso ao primeiro golpe laranxa: saída rápida, balón para Cris Blanco e 0-1 para o Burela.
A alegría durou pouco, porque no minuto 3 Irene Samper empatou tras un pase de Ana Luiza. O Melilla subiu o ritmo e Emilly estrelou dous balóns no pau, pero o Burela volveu sorprender: Sydorenko fixo o 1-2 rematando un saque de banda de Irene. A vantaxe, con todo, esfumouse segundos despois cun gol de Laura Uña.
O Melilla completou a remontada no minuto 7 cun tanto de Nega e ampliou ao 4-2 no 9 cun gol en propia de Cris Blanco. A reacción laranxa chegou cunha boa transición que culminou Cris Blanco para o 4-3. Emilly fixo o 5-3 no 14 e o Burela seguiu competindo con valentía, con ocasións de Sydorenko e Bía Souza, e varias intervencións de mérito de Ana Eliza, que evitou un marcador máis amplo antes do descanso.
A calidade do Melilla decide na segunda metade
Tras o paso polos vestiarios, o Melilla impuxo o seu potencial ofensivo. Os goles de Nega, dous de Laura Uña, Emilly, Nava e Dasha acabaron por selar o pase das melillenses á final.
O Burela, lonxe de baixar os brazos, tivo as súas mellores ocasións nun pau de Sandra no minuto 24 e nun disparo de Macarena no 30. Nos últimos cinco minutos, as Guerreiras Laranxas deron un paso adiante para afastarse da súa área e frear o ritmo do rival, mantendo a competitividade ata o final.
O encontro pechouse cun 11-3, un resultado moi avultado pero enganoso para o traballo realizado. O Burela competiu con valentía, deixou dous golpes iniciais que sorprenderon ao favorito e asinou unha actuación da que o equipo pode sentirse profundamente orgulloso.
Ficha Técnica Melilla Ciudad del Deporte Torreblanca 11-3 Reyco Burela FS
Melilla CdD Torreblanca (11): Arcas; Ana Luiza, Amandinha (C), Irene Samper, Emilly –quinteto inicial-, Laura Uña, Nega, Nava, Bía Souza, Lydia, Dasha.
Reyco Burela FS (3): Ana Eliza (C); Cris Blanco, Sandra, Lara, Irene -quinteto inicial-, Macarena, Sydorenko, Silvia Rubal, Laura Barranco, Gabi, Marina, Mara, Lari, Lola Muñoz (P).
Goles: 0-1, min. 1: Cris Blanco. 1-1, min. 3: Irene Samper. 1-2, min. 5: Sydorenko. 2-2, min. 6: Laura Uña. 3-2, min. 7: Nega. 4-2, min. 9: Cris Blanco (PP). 4-3, min. 10: Cris Blanco. 5-3, min. 14: Emilly. 6-3, min. 24: Nega. 7-3, min. 25: Laura Uña. 8-3, min. 22:
Árbitros: Davinia Dorta (Tenerife) // Carlos Panadero (Madrid) // Jose Javier Cidoncha (Extremadura) // Silvia Guerrero (Baleares) // Yaiza González (Tenerife). Por parte do Melilla viron a tarxeta amarela Laura Uña (17’) e Dasha (34’).
Incidencias: Partido correspondente á semifinal 2 da Superecopa de España 2026 disputado no pavillón Las Torres de Adeje, Tenerife.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
