O prazo de inscrición permanecerá aberto do 5 ao 13 de febreiro e repartiranse premios e axudas económicas en categorías de adultos e infantil
Viveiro, 31 de xaneiro de 2026. O Concello de Viveiro vén de aprobar as bases reguladoras do Concurso de Disfraces do Desfile de Entroido 2026, que se celebrará o martes de Entroido, co obxectivo de incentivar a participación cidadá nunha das celebracións máis tradicionais e concorridas do municipio.
O concurso contará con categorías de adultos e infantil. Na categoría de adultos poderán participar carrozas, comparsas, grupos, parellas e disfraces individuais, mentres que na infantil establécense as modalidades de individual, parellas e grupos. Para os efectos destas bases, considérase carroza todo vehículo de tracción mecánica con plataforma e un mínimo de catro persoas participantes.
Poderán tomar parte no concurso persoas particulares, asociacións, entidades legalmente constituídas e grupos ocasionais, que deberán designar unha persoa representante. Cada participante poderá inscribirse unicamente nunha categoría.
O prazo de inscrición estará aberto do 5 ao 13 de febreiro de 2026, podendo realizarse tanto no rexistro municipal como a través da sede electrónica do Concello de Viveiro, achegando a documentación requirida segundo o tipo de participante.
Para optar aos premios será obrigatorio cumprir as normas do desfile, entre as que se inclúen a utilización do dorsal facilitado pola organización, o mantemento da orde de saída e das medidas de seguridade durante todo o percorrido, así como a prohibición do uso de material pirotécnico, da participación con animais e de representacións de carácter ofensivo. Ademais, será imprescindible acudir disfrazado ao acto de entrega de premios, que terá lugar ao remate do desfile.
O xurado, designado pola organización, estará composto por un mínimo de tres persoas e valorará aspectos como a creatividade e orixinalidade dos disfraces, a posta en escena, a simpatía e a graza dos participantes, así como a orixinalidade das carrozas ou plataformas. As decisións do xurado serán inapelables.
O concurso contempla premios en metálico para todas as categorías, con contías que acadan os 700 euros no caso das carrozas de adultos, así como premios especiais ao humor e á orixinalidade. Ademais, establécese unha axuda especial de ata 200 euros para cada carroza participante, sempre que estea inscrita dentro do prazo establecido.
Desde o Concello de Viveiro anímase á veciñanza a participar nun desfile que cada ano destaca pola creatividade, a implicación cidadá e o ambiente festivo que enche as rúas do municipio durante o Entroido.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
