Burela, 31 de xaneiro, 2026. Partido importantísimo para o conxunto masculino do Reyco Burela FS, que se enfrontou a un dos colistas da clasificación, o Vulcanizados Ruiz Tafa FS, ás 18.45h desta tarde en Burela. Era unha gran oportunidade de puntuar ante un rival directo, nun Vista Alegre que volveu sumar co apoio aos de Juanma Marrube. O encontro estivo dominado polos locais, que gozaron de numerosas ocasións, sobre todo na primeira parte, podendo deixar un marcador moito máis amplo.
Zardoya salvou o primeiro dos locais no minuto 3 cunha man providencial ante un disparo de Raid ao segundo pau. Segundos despois, Pitero rozou o pau na ocasión máis clara ata o momento, e no 5 Alán tivo outra moi boa chegada, aínda que a defensa tafallesa conseguiu despexar. No 6, Zardoya volveu aparecer co pé para deter un disparo raso de Charly nun lanzamento de falta directa. A primeira ocasión clara do Tafa chegou no 8, cando Jorge Danzarín non conseguiu rematar no segundo pau unha xogada ensaiada nun saque de falta perigoso. No 9, Bingyoba probou cun disparo moi escorado que tamén se marchou rozando o pau.
O Burela dominou con claridade esta primeira metade, imprimindo máis ritmo e xerando máis perigo. No 16 chegou o merecido 1-0: Izan rematou no segundo pau un saque de esquina executado por Alberto.
Xa na segunda parte, Pitero dispuxo de dúas ocasións consecutivas no minuto 1, pero non conseguiu acertar entre os paus. No 3, Crespo detivo un disparo de Charly tras pase do propio Pitero. No 5, Raid obrigou Zardoya a intervir de novo cun tiro raso que levaba camiño de gol, e no 7 Torero salvou co pé un disparo de Antón Fraile. Alán tivo a máis clara nunha contra, quedando nun man a man co porteiro navarro, que desviou co peito.
Alberto e Bingyoba volveron tentalo no 9, e no 10 Torero apareceu outra vez para evitar o segundo. No 32, Pitero mandou por riba do traveseiro o que parecía o 2-0, e no 35 o capitán quedou a centímetros do gol tras un córner que desviou o porteiro.
No 36 chegou o temido empate: Íñigo Amezqueta puxo o 1-1 cun disparo potentísimo que Torero case detén. Pero dous minutos despois, Charly culminou un pase de Bingyoba nun saque de falta perigoso e anotou un celebradísimo 2-1 que devolveu o sabor da vitoria a Vista Alegre.
O equipo do exburelista Luisma saíu con Preciado como porteiro-xogador a falta de dous minutos, e produciuse o debut de Lautaro baixo paus para defender os últimos instantes. Final de infarto na bomboneira, cun Tafa moi ofensivo buscando o empate ata a bucina final.
Ficha Técnica Reyco Burela FS 2–1 Vulcanizados Ruiz Tafa FS
Reyco Burela FS (2): Torero; Pitero (C), Charly, Raid Izan, -quinteto inicial-, Mauro, Alberto, Alán, Nico, Bingyoba, Lautaro (P).
Tafa FS (1): Juan Zardoya; Mario Sánchez, Íñigo Amezqueta, Unai Martínez, Jesús Preciado -quinteto inicial-, Xavier Erviti, Unai Crespo, Jorge Bailón, Antón Fraile, Natxo Pérez, Pablo Echapare, Juan Puértolas.
Goles: 1-0, min. 16: Izan. 1-1, min. 36: Íñigo Amezqueta. 2-1, min. 38: Charly.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
